صحيفة روز اليوسف

رئيس مجلس الإدارة
عبد الصادق الشوربجي

رئيس التحرير
أحمد باشا

12 نوفمبر 2018

أبواب الموقع

 

ثقافة

أبداع

24 مارس 2014



اشراف : ايهاب كامل

رسوم  : مجدى الكفراوى

شعراؤنا شموس فى سماء الإبداع ينيرون لنا ببصيرتهم وبصرهم طريقنا ويخبرونا ما لم نخبره فيما فاتنا من أمورنا الحياتية فهم بمثابة توثيق وشهادة على عصرهم ونحن نخصص هذه المساحة من الإبداع للاحتفال بالشاعر الكبير الراحل نزار قبانى (1923 - 1998 م) ديبلوماسى وشاعر سورى معاصر، ولد فى 21 مارس 1923 من أسرة دمشقية عريقة إذ يعتبر جده أبو خليل القبانى رائد المسرح العربي. درس الحقوق فى الجامعة السورية وفور تخرجه منها عام 1945 انخرط فى السلك الدبلوماسى متنقلاً بين عواصم مختلفة حتى قدّم استقالته عام 1966؛ حمل لقب «شاعر الحب والمرأة».. يصاحب قصائد قبانى لوحات الفنان العالمى ليوناردو دافنشى وهو رسام ومهندس وعالم إيطالى مشهور ، أعماله الفنية تمثل قمة عصر النهضة الأوروبية، اشتغل بفن العمارة والنحت فكان رسامًا وكاتبًا ومسرحيًا وعالم تشريح وموسيقياً ، وبوجه عام كان يُعد مصمماً ومخترعاً، ويعتبر أحد أعظم عباقرة البشرية.

منازل الأيام

علي صمت المذلة
تحتسي
 كذب المسافات البعيدة
 لا بلاداترتجيك
 ولا سكون الليل
 يهديك الطريق
 فكن كما يهواك وقتك
 لست أول قاتل غدرا
  علي قلق
 ستمضي خيل يومك
 قد تسومك كل خسف
 تستكين لصوتها كرها
 فنازل تيه دربك
 واحترس
 من هذه الأوقات
 جفف يومك المخنوق بالترحال
 عبر منازل الخوف
 محال أن تجاهر بالأماني
 في زمان يصطفيك
 لترتدي ثوب المهان
 والضحي
 شمس بلا وهج
 فرتق ما تمزق
 من تواريخ
 تجمل فجرك الأبدي
 بالقهر
 وأين مدارج الأيام
 لو أرخيت خيطك
 للذي حمل الأمانة ظالما
 ثم ارتقي درج الإساءة
واحتسي دمنا
 سدي كل المفازات
 فلا  تستل سيفك
 إنها الأوهام
 ترسم ظلها
 فوق البيوت
 علي الدروب
 وفي سويعات
 تجاهد صمتك المعلوم
 في كتب البدايات
 سقيم كل ما  ترنو إليه
 فكيف تسأل عن زمان
 قد تحصن بالجفا
 ورماك فينا
 فاجعل الجدران شاهدة
 علي حرف
 تشكل كلمة
 لا سر فيها
 وانتشي حزنا
فأنت مسيرة
 ألقت علينا روعها
 ومضت إلي صفحاتها
 تلهو بها
 فانظر هنا
 يا ظلم أيام
 تباكت من ثوانيها
 تثاقل خطوها
 حتي تحول
 فوق أعيننا بلادا
 تحتسي كذبا أمانيها
 وتلقي افكها جهرا
 لعل  الوقت أن يمضي
 يظللها بأوهام
 علي الطرقات
 تستجدي معانيها

سجون العتمة

وبارميكى يا آهة جرح
على جدار الزمن الأخرس
ترُديلى ..
تعدى عقارب الساعة
تشيلى العمر ف جبينى
تعديلى ..
ثوانى عمرنا المجنون بتتأخر ..
قصور الوقت تتبخر
مهيش عايزه زمن أكتر
ولا بتحلمش برعشة رمش
بيسافر بلاد النور
بيتحرر .. من الألوان
وم التصاوير
بابيعك يا آيات الوحده
و بارفض أجعلك وِردِى
كفايه التلج والضلمه
و سجنى فى متاهة ليل
كتاب الانكسار حفظاه
دبول الورده ف خدودى
ده شيء عادي
وليه ألعب معاك حَذَّر
واخبى بايدى رمش عنيك
مدام عمرك شتا على طول
سجون العتمه شط كبير
ملان خفافيش
ما بعشقهوش .. لكن زُرته
بآهه خارجه بالراحه
و رافضه الهدنه والتسليم
و رافضه الكلمه تِتصَلِّب
أو تتغنى ف بلاد صُم
و رافضه شكل حريه
محزمينها بالتفكير
مزوقينها بفيونكه
ورمينها ف قفص
عصافير .

خليها ف سرك

 خليها ف سرّك ماتقولهاش
وادّيها طناش..
أنا زيَّك كنت باحب العوم مقلوب ..
وباحدِّف ظلم الناس بالطوب ..
ولا قلت هاتوب عن كلمة حق
ولا إنى هاحط صوابع إيدى ف قلب الشَّقّ
ولا إن مشاعر كل الناسِ
جغولة ف إيد الحاوى يكعْوَرْها لجل تِسَلِّيه
ولا إن إيديه فَرْقِلَّة تفرقع ف الجرابيع
خلّيها ف سرّك دانا مفروس ..
والجهل كابوس فى عقول الناس
بيتمطَّع من عهد قديم
وأبو عقل سليم
لسّاه بينَشِّز فوق حبال الوحدة خيال
خلّيها ف سرّك .. متقولهاش ..
وبلاش تتشعبط يا بو خالو
فى حبال النار
أنا زيّك كنت بخاف م العار
يتسرب جوا حيطان الدار
باستنّى الفجر يعود ..
باستنى تموت فى زمانى كل الوطاويط
بس الأحلام ماعَادِتْشِ تخفف وجع الناس
ولا عادت هيَّ الحبّاية اللى تداوى الراس
خلّيها ف سرّك ماتقولهاش ..
علشان فى زمانّا المتفائل ..
هو الغشّــــاش !!

قَــنـايــة

وتــسـرقــنى الــبلاد لــكن !!!
بأحــن لـصُـحـبـتى فــيـكى
وشــوقى فِ الـحَــشـا ســاكـن
وعِــشـقـى ما يـكَــفّـيـكى
ويـفـتـح نـيــل فى أحـضـانـك
ويــطرح م الــهـوى لِــبـلاب
وضِــلـه تـحـت أغــصـانـك
بِــتـحــمـى الــقـلـب م الحُــرقـه
دا يامــا مــات مــن الـفُـرقــه
ويامــا مــن بـُـعـادك داب
يا أبــووووووووى
يا أمّــا أحــنـا نِــتـقـابـل
تـُـقـولـشِ حــمام وبِــنِّــيَّــه
ولــو نـِـنـسى الـكـلام خــالـص
يــصــير الـعـشـق بالـنِــيّـة
وبأرمـى بالـتـَـعـب ف أيـدك
وبأرمــى بالــهـمـوم ف أيــدك
مـا كـل عــلامى كان مِـنِّـك
ومِــتـرَبى عـلى أيـدِك
يا طــفـلة قــلـبى وســنـيـنى
يا داخــله الــدم بِــوسـاطه
تـِـغــيرى من رمــوش عــيـنى
تراضـى الــقـلب شــيكولاته
رضـاكـى سَــعـدى ومُــنـايا
ونــهـر الــحـب من أيــدِك
يُـــصُــب ف قــلـبى كـــقَــنايـَه
كــتــير عِــشـقِــك عــلى الـغـلبان
يــقـَـلّـبـنى يــمـيـن وشــمال
بأحِــسِّــك خــارجه من صُــلـبى
وتِـــفــديــكى الـعِــيال والــمال
يا أبــووووووووووووى
يا أمَّــا أحــنـا نِــتـقـابـل
صَــبـاحــى مــن نَــداكى نــور
ولَــمـعِـة حــب فى عــيـنـيـكى
تِــفَــكّـرنى بــبـنات الــحـور
يا طِــفــلة م الــسـَــمـا لـيّــا
ومَـــوصُــوفــة ف كــتــاب الـطِـب
شَـــفـايــفـك تــاج على أيــدَيـا
تِـــخَــلّــيـنى (أمير فى الحب)

خلاص وصلنا المنتهى

وصلنا أخر المنتهى
كل اللى كان بينا انتهى
وخلاص وصلنا المنتهى
كل الساعات
والأمنيات
والذكريات الطيبة صبحت عدم
صبحت ألم
ما عاد يفيد بينا العتاب
ماعاد يرجع فرحنا
خلاص خلاص مش ح اسألك
خليك هناك
خليك كده دايما برئ
مين فينا كان المبتدا
ماعاد يهم
لكن أهم من ده وده ضاع الطريق
واحد هناك
واحد هنا
واحد مصمم ع البعاد
والتانى صاين للوداد
انت...انا؟
مابقاش مهم
خلص الكلام
والأغنيات
وليالى عشناها سوى
وحكاوى عن أهل الهوا
وانت وانا
والبحر والموج والمطر
وربيع بيعرف اننا
قاعدين هناك
تحت الشجر
يبعت عبيره يلفنا عطر وغنا
وحاجات كتير
ضحكة عينيك /لمسة أيديك/  فرحة لقانا
لون البنفسج والسهر .....
ضى القمر...
فاكر ياروحى؟
خلاص خلاص خلص الكلام
خلاص خلاص ليك السلام .







الرابط الأساسي

الاكثر قراءة

«المالية»: حزمة تشريعية لتوحيد الإجراءات الضريبية.. والإلزام بالفاتورة الإلكترونية
كاريكاتير أحمد دياب
ماجدة الرومى تختم مهرجان الموسيقى العربية بـ«لون معى الأيام»
«الاتصالات»: 630 ألف مستخدم زيادة فى الموبايل و2.5 مليون مشترك جديد فى إنترنت المحمول
الإنتاج الحربى.. صناعة وطنية لها تاريخ
وائل جمعة يسدد 10 ملايين جنيه ضرائب عن مكاسبه من «بى إن سبورت»
أمن الخليج.. خط أحمر

Facebook twitter rss