صحيفة روز اليوسف

رئيس مجلس الإدارة
عبد الصادق الشوربجي

رئيس التحرير
أحمد باشا

19 سبتمبر 2018

أبواب الموقع

 

ثقافة

إبداع

31 اكتوبر 2013



شعراؤنا شموس فى سماء الإبداع ينيرون لنا ببصيرتهم وبصرهم طريقنا ويخبروننا ما لم نخبره فيما فاتنا من أمورنا الحياتية فهم بمثابة توثيق وشهادة على عصرهم ونحن نخصص هذه المساحة من الإبداع احتفالا بأحد أبرز شعراء مصر وهو مأمون الشناوى، وهو من مواليد مدينة المنصورة (28 أكتوبر 1914 - 27 يونيو 1994)، كان بمثابة مملكة متكاملة بمفرده حين يكتب، واستطاع أن يرضى جميع الأذواق بقلمه، كما أن له الفضل فى إعادة صياغة أغانى الفلاحين والأغنيات الشعبية الفولكلورية المصرية، ومن أشهر أغنيات مأمون الشناوى التى غنتها أم كلثوم أغنية «أنساك»، وقد كان الشاعر الراحل مأمون الشناوى يتحمس للمطربين والموسيقيين الجدد، ويساعد فى تقديمهم إلى الساحة الفنية، ويكتب لهم خصيصاً أبدع الكلمات.
تصاحب قصائد الشناوى لوحات للفنان الهولندى العالمى يوهانِس فيرمير والمعروف باسم فيرمير (1632-1675 م)، ولد فى بلدة دِلفْتْ الهولندية، يعتبر من أكبر فنانى القرن الـ17 الميلادى فى أوروبا.

انسى الدنيا وريح بالك
انسى الدنيا وريح بالك
وأوعى تفكر فى اللى جرالك
أنسى الدنيا ياللى دموعك لحبايبك
قولى ابتسامتك تبقى لمين
اوعى الغرام يشغل قلبك
ده لسه فيه فى العمر سنين
مين الهنا يبقى اصاده وتشغله عنه همومه
يا عاشق الليل لسواده فايت لمين عشق النجوم
ليه تشغل بالك مين يرحم حالك
كل اللى أحبه حواليه
مين زى فى الدنيا اتهنى
حتى النجوم ملك ايديا
أدى النعيم أدى الجنة
دوق الجمال واتمتع بيه
من قبل ما يدبل ويذول
واوعى يفوت يوم تحزن فيه
واسهر ده بكره النوم حيطول
ليه تشغل بالك مين يرحم حالكانسى الدنيا وريح بالك
وأوعى تفكر فى اللى جرالك
أنسى الدنيا ياللى دموعك لحبايبك
قولى ابتسامتك تبقى لمين
اوعى الغرام يشغل قلبك
ده لسه فيه فى العمر سنين
مين الهنا يبقى اصاده وتشغله عنه همومه
يا عاشق الليل لسواده فايت لمين عشق النجوم
ليه تشغل بالك مين يرحم حالك
كل اللى أحبه حواليه
مين زى فى الدنيا اتهنى
حتى النجوم ملك ايديا
أدى النعيم أدى الجنة
دوق الجمال واتمتع بيه
من قبل ما يدبل ويذول
واوعى يفوت يوم تحزن فيه
واسهر ده بكره النوم حيطول
ليه تشغل بالك مين يرحم حالك

 

بعيد عنك
نسيت النوم وأحلامه
نسيت لياليه وأيامه
بعيد عنك.. حياتى عذاب
متبعدنيش بعيد عنك
مليش غير الدموع أحباب
معاها بعيش بعيد عنك
غلبنى الشوق وغلبّنى
وليل البعد دوبنى
ومهما السهد حيرنى
ومهما الشوق سهرنى
لاطول بعدك يغيرنى
ولا الأيام بتبعدنى بعيد عنك
لا نوم ولا دمع فى عينيا.. ما خلاش الفراق فيا
نسيت النوم وأحلامه.. نسيت لياليه وايامه
وبين الليل وآلامه.. وبين الخوف وأوهامه
باخاف عليك.. وباخاف تنسانى
والشوق اليك.. على طول صحانى
غلبنى الشوق غلبّنى
وليل البعد دوبنى دوبنى
ومهما السهد حيرنى
ومهما الشوق سهرنى
لاطول بعدك يغيرنى
ولا الايام بتبعدنى   بعيد عنك
افتكر لى لحظة حلوة عشنا فيها للهوا
افتكر لى مرة غنوة يوم سمعناها سوا
خد من عمرى عمرى كله الا ثوانى اشوفك فيها
م الشوق آه م الشوق وعمايله..
ياما باداريها ياما.. ياما باحكيها ياما
باخاف عليك.. وباخاف تنسانى.. والشوق اليك على طول صحانى
غلبنى الشوق غلبّنى
وليل البعد دوبنى  دوبنى
ومهما السهد حيرنى
ومهما الشوق سهرنى
لاطول بعدك يغيرنى
ولا الأيام بتبعدنى  بعيد عنك
كنت باشتاق لك وانا وانت هنا.. بينى وبينك خطوتين
شوف بقينا ازاى يا حبيبى.. أنا فين وانت فين
والعمل إيه العمل.. ما تقول لى أعمل إيه
والأمل أنت الأمل.. تحرمنى منك ليه
عيون كانت بتحسدنى على حبى.. ودلوقتى بتبكى عليا من غلبى
وفين انت.. يا نور عينى.. يا روح قلبى فين
فين أشكى لك فين.. عندى كلام وكلام وحاجات
فين دمعك يا عين.. بيريحنى بكايا ساعات
باخاف عليك.. وباخاف تنسانى
والشوق اليك على طول صحانى
غلبنى الشوق غلبّنى
وليل البعد دوبنى دوبنى
ومهما السهد حيرنى
ومهما الشوق سهرنى
لاطول بعدك يغيرنى
ولا الايام بتبعدنى
بعيد عنك

أنساك

أنساك!
ده كلام؟
أنساك!
ياسلام!!
اهو ده اللى مش ممكن أبدا
ولا افكر فيه أبدا
دا مستحيل قلبى يميل ويحب غيرك ابدا
اهو ده اللى مش ممكن أبدا
ولا ليلة ولا يوم أنا ذقت النوم أيام بعدك
كان قلبك فين وحنانك فين
انا انسى جفاك وعذابى معاك ما انساش حبك
انساك!
ده كلام؟
انساك! ياسلام!!
واحب تانى ليه واعمل فى حبك ايه
دا مستحيل قلبى يميل ويحب غيرك أبدا
اهو ده اللى مش ممكن أبدا
ذكريات حبى وحبك ما انسهاش
هى ايامى اللى قلبى فيها عاش
فيها أحلامى قلتها وحققتها لى
وفيها أحلامى لسه انا ما قلتهاش
اللى فات من عمرى كان لك من زمان
واللى باقى منه جاى لك له أوان
وأحب تانى ليه واعمل فى حبك ايه
دا مستحيل قلبى يميل ويحب غيرك أبدا
اهو ده اللى مش ممكن أبدا
كان لك معايا أجمل حكاية فى العمر كله
سنين بحالها مافات جمالها على حب قبله
سنين ومرت زى الثوانى فى حبك انت
وإن كنت اقدر أحب تانى أحبك أنت
كل العواطف الحلوة بيننا
كانت معانا حتى فى خصامنا
وازاى تقول أنساك واتحول
وانا حبى لك اكتر م الأول
واحب تانى ليه واعمل فى حبك إيه
دا مستحيل قلبى يميل ويحب غيرك أبدا
أهو ده اللى مش ممكن أبدا