صحيفة روز اليوسف

رئيس مجلس الإدارة
عبد الصادق الشوربجي

رئيس التحرير
أحمد باشا

19 سبتمبر 2018

أبواب الموقع

 

الأخيرة

نشطاء: شوف حكمة ربنا يامؤمن.. النهارده الذكري الأولي لاستشهاد الـ17 جندي في رفح.. بعدها بسنه بالظبط وقبل الفطار قرار بحبس مرسي 15 يوماً

28 يوليو 2013

كتب : مروة مظلوم




شهدت أحداث مليونية تفويض الفريق أول عبد الفتاح السيسي ومركزها ميدان  التحرير  ومليونية الفرقين ومركزها ميدان رابعة العدوية جدلا واسعاً علي مواقع التواصل الاجتماعي ومشاحنات علي عدد مؤيدي مرسي والسيسي كمباريات القمة بين الأهلي والزمالك.. التي تتطلب تحكيماً دوليا للفصل بين فريقين كل منهما ينسب الجماهير لنفسه ويتباهي بعدد مشجعيه..  وتنوعت تعليقات النشطاء علي تويتر وفيسبوك علي النحو التالي:

الإخوان اجننو وصلو لمرحلة الانكار كل مايشوفو مظاهرة وصور منها يقلك دي قديمة ولما يتزنق اوي يقلك فوتوشوب! طب ماتتعب نفسك وتفتح التليفزيون أو اتعب نفسك شويا وانزل الشارع!

صدمة الإخوان تتلخص في التالي:

اللي في الشوارع فلول وبلطجية واغلبهم عساكر أمن مركزي وأي مظاهرات يشوفها يقول عليها فوتوشوب ولو اتزنق اوي يقلك قديمة.

الصدمة لسة مأثرة عليهم مش قادرين يفيقوا ويفهمو أن الشعب مش طايقهم وان الموضوع انتهي والإخوان انتهو ومرسي اتخلع وهيتحاكم ويترمي في طرة جنب مبارك الشعب نزل بالملايين 30 و1 و2 و3 و26 وبرضو مش عايزين يفهمو! خليكوا عايشين في الوهم ان اللي اشارة رابعة هما الشعب!

شوف حكمة ربنا يامؤمن النهاردة الذكري الأولي لاستشهاد الـ17 جندي في رفح بعدها بسنه بالظبط وقبل الفطار قرار بحبس مرسي 15 يوماً.

أما عن ضحايا رابعة العدوية أمس فكانت ردود فعل النشطاء عبارة عن مجموعة من الأسئلة لا إجابة لها.

الشرطة راحت رابعة تفض الاعتصام؟.. لأ

الشرطة اتحرّكت حتي ناحية رابعة عشان تفض الاعتصام؟.. لأ

ايه اللي ودّاك انت للشرطة..!؟

ايه اللي طلعك طيب من رابعة ومشّاك 2 كم و ودّاك لحد النصب التذكاري.. ايه الهدف يعني كنت رايح تعمل ايه؟

ليه خلّعت الارصفة علي طول الطريق لحد النصب التذكاري..!؟

ليه قطعت طريق النصب التذكاري وحاولت تقطع الكوبري..!؟

ليه كسّرت كل حاجة في الطريق عربيات/ اسوار/ شجر..!؟

مستني ايه حضرتك لما تروح برة المنطقة بتآعتك وتقعد تدمر وتخرب وتكسر في أماكن عامة الشرطة مثلا تآخدك بالأحضان وتقولك اتفضل..!؟

ليه قياداتكم عمّاله تتكلم ان الشرطة هجمت علي الاعتصام بالرغم ان دة مش صحيح.. انتوا الي مشيتوا 2 كم ورحتولهم..!؟

حد فيكم شاف زوجة البلتاجي أو حد من ولاده هناك عند النصب معاكم..!؟

حد فيكم شاف زوجة العريان او حد من ولاده هناك عند النصب معاكم..!؟

افيقوا يرحمكم الله و اهربوا من سلخانة رابعة.. انتوا بيتضحي بيكم.

 







الرابط الأساسي

الاكثر قراءة

سَجَّان تركيا
«البترول» توقع اتفاقًا مع قبرص لإسالة غاز حقل «أفردويت» بمصر
ادعموا صـــــلاح
الحلم يتحقق
نجاح اجتماعات الأشقاء لمياه النيل
الزمالك «قَلب على جروس»
ضوابط جديدة لتبنى الأطفال

Facebook twitter rss