صحيفة روز اليوسف

رئيس مجلس الإدارة
عبد الصادق الشوربجي

رئيس التحرير
أحمد باشا

19 سبتمبر 2018

أبواب الموقع

 

ثقافة

واحة الشعر

27 مايو 2013

رسوم: سوزي شكري




يسيل بجوار النيل فى بر مصر نهر آخر من الإبداع ... يشق مجراه عبر السنين والأجيال داخل نفوس المصريين ... فى سلسلة لم تنقطع ... وكأن كل جيل يودع سره بالآخر ... ناشرين السحر الحلال ... والحكمة فى أجمل أثوابها ... فى هذه الصفحة نجمع شذرات من هذا السحر ... للشعر ... سيد فنون القول ... الذى يجرى على ألسنة شابة موهوبة ... شاركت مع فريق «روزاليوسف» فى تحرير هذه الصفحة بمشاركاتها على
 
     rosareaders@gmail.com
 
 
صوتى
مش حلو
 
 
 
على افتراض إنى هَغنّى
 
أو فيَّ شيء بيوجعنى
 
صوتى مش حلو! _       
 
***
 
رغم ذلك...
 
باغسل دمى
 
واتملى فى عينيك
 
بنت لكل يوم
 
ده رمل شارب من جسمى
 
وده طير ميت جنبى
 
فرغت نفسى فى شفرة القلب
 
واتهيأت للبحر
 
دخلت الموجة سايقة خلايق منى
 
أنا الكون الجديد
 
أنا البلاد الجديدة
 
أنا واحد بس ليا عدد
 
ع السلم طلع أدبدب
 
 
نازل أدبدب
 
وضلى باينُّه
 
قرّبيسد عين الشمس !
 
***
 
رغم ذلك...
 
بتنزل صورتى من بروازها
 
كل ما أقطع ف ايام بُكره
 
وأعيشها قبل ما تيجى
 
تقعد تعيدلى حدوتة الشاطر حسن
 
وحكايات تانية عن نفسى
 
لما نزلت بحر النيل
 
عشان أصطاد السمكة
 
واطلَّع من جواها الخاتم وأفضل أدعكه
 
لحد ما يطلع عفريت سيدنا بالجلدة السودا
 
وعينيه اللى مبطّلة شوفان
 
يخلّص صوتى من سنانى
 
ويطلِق صرختى للسما!
 
***
 
رغم ذلك...
 
غريب أنا عن كل دول وممكن فى ليلة
 
أشيل لقب هارب
 
حتى روحى الجديدة هاسيبهالهم
 
إنسان فوضوى جداً
 
لكن عن نفسه عارف
 
إن نُص عالم ما يناسبش
 
واحد بيرضع صابعه
 
وبيكتب عن طبق كشرى وِسِجارتين
 
 وثورة...
 
فوق كرسى متحرك
 
مش لاقى حد يِزُقه!
 
 
شعر: إبراهيم رفاعي
 
 
الطريق
 
 يا طريق ما بينتهيش
 
 توهنى ما وصلنيش
 
 كل ما أقول هانت
 
 والسكة أهى بانت
 
 يرجع طريقى يطول
 
 وأرجع وانام على طول
 
 كل ما أنام واصحي
 
 القى الطريق لسه
 
 ومعالمه اتدارت
 
واصبر واقول يمكن
 
 ده المستحيل ممكن
 
 كل بداية اكيد
 
 هيبان لها نهاية
 
 كل الطريق ما يطول
 
 هتظهر اكيد اية
 
 تدلنى على الخير
 
 يمكن اساعد حد
 
 أو هيساعدنى الغير
 
 يدلنى على الصح
 
وادله انا على الخير
 
 يبقى ونس فى طريقي
 
 وكلمة تبللى ريقي
 
 معذور أنا يا طريق
 
 أصلى تعبت كتير
 
 محتاج اوى لصديق
 
 يساعدنى وقت الشدة
 
 ينفعنى وقت الضيق
 
 ولو الطريق هيضيق
 
 ومشوارى لسة طويل
 
 ألاقى جنبى صديق
 
 يبقى سند ودليل
 
 يوفى ولا يخونيش
 
 يوفى ولا يخونيش
 
 يا طريق ما بينتهيش
 
شعر: محمد السيد رشوان
 
قصائد
 
(1)
 
حِوَارِى مَعَكَ كَالرَّقْصِ فَوَقَ حَدِ نَصْلٍ
 
يَرْتَعِشْ.
 
(2)
 
لاَيُضِيرُنِى غِيَابُكَ؛
 
فَقَدْ زَرَعْتَنِى فِيْكَ... فى خِلْسَةٍ مِنْكَ.
 
(3)
 
أَنَا بَعدَ هَجْرِكَ،
 
كَفٌ بُتِرتْ « أَ صَ ا بِ عُ ه ا»
 
(4)
 
سَألَنِى : هَلْ تتَحَمَّلِينَ بُعْدِي؟
 
قُلْتُ: نَعَمْ، كَمَنْ يَكْتِمُ أنْفَاسَهُ... تَحْتَ المَاءِ.
 
(5)
 
سَألْتُهُ عَني...
 
فَقالَ :أنتِ شَمسٌ، وَارْتَدَى نَظَّارَتَهُ القَاتِمَةِ.
 
(6)
 
قَالَ : أنَا لُعبَتُكِ
 
أَفَقْتُ وهَو يُ هـَ شِّ مُ نِ ى.
 
 
شعر: صابرين الصباغ
 
 
 
 
مقاطع
 
 
 
 
انا ليــــك بشـحمى ولحــمى
 
ولاعمــرى هرضى نـــذلك
 
عاشـــق ترابــك ولا احـمى
 
أخـــويا لـــو يـــوم نزل لك
 
******
 
يا أحلــى كلمــــــة قريتـها
 
انا جاى بروحى أرمهالك
 
رابط همـــومى وقارطها
 
وبخاف عليـك م المهالك
 
******
 
آمنت لبنــــك دبحــــنى
 
والظلــــم خــــيم عليــنا
 
والهم عرفاه دا بحـنى
 
ولا عمره هيكون عالينا
 
******
 
بصـــرخ وادنـــدن آهاتـــــى
 
ودمعى يغســـل ف تــــوبك
 
وان جاكى فرح إبقى هاتـى
 
دا انا أول اللـــى أتـــو بك
 
******
 
بتــزيدى ليــه فى المآسى
 
وكل يــــوم تخـــــــدعينى
 
يـاريت مقاســــك مقاسـى
 
لو حتى رح تخدى عينى
 
شعر: أحمد راضي اللاوندي
 
 
 
 
أقدار
 
سماؤكِ كانت لي دار 
 
لكنها باتت تلفظنى
 
تبقيني خلف الأسوار 
 
وبحورك صارت غاضبة 
 
أمواجها مثل الإعصار!
 
وجفوني صارت تنهرنى
 
من ليلٍ سئم الأنوار 
 
عودي ما عاد يصحبنى
 
قد مزق كل الأوتار 
 
وتوقف عزفه وانتحب
 
قد صار كئيب الأفكار
 
قلبي ما عاد يصدقنى 
 
من خيبة كل الاعذار
 
أخبرته أنني أنساكى 
 
مثلت عليه الأدوار 
 
لكنه طبعا يفهمنى 
 
يعلم كل الأسرار
 
يعلم أنني أهواكِ
 
والعشق حبيبتي أقدار 
 
اعلمى أنني أهواكِ 
 
والعشق حبيبتى... أقدار
 
 
شعر: وليد الأسيوطي






الرابط الأساسي

الاكثر قراءة

الرئيس يرعى مصالح الشعب
فى معرض الفنانة أمانى فهمى «أديم الأرض».. رؤية تصويرية لمرثية شعرية
«عاش هنا» مشروع قومى للترويج للسياحة
466 مليار جنيه حجم التبادل التجارى بين «الزراعة» والاتحاد الأوروبى العام الماضى
الطريق إلى أوبك
« روزاليوسف » تعظّم من قدراتها الطباعية بماكينة «CTP» المتطورة
مكافحة الجرائم العابرة للأوطان تبدأ من شرم الشيخ فى «نواب عموم إفريقيا»

Facebook twitter rss