صحيفة روز اليوسف

رئيس مجلس الإدارة
عبد الصادق الشوربجي

رئيس التحرير
أحمد باشا

23 يناير 2019

أبواب الموقع

 

الأخيرة

فيسبوك للجماعة: بتطالبوا بفتح باب الجهاد.. المفتاح بقى معاكم

13 مايو 2013

كتبت : مروة مظلوم




أثار البيان الصادر عن جماعة الإخوان المسلمين بشأن الإعتداء على الأقصى ردود أفعال غاضبة على مواقع التواصل الإجتماعى.. إذ جاء البيان بعد ثلاثة آيام من وقوع الاعتداء بعد شجب وتنديد معظم الدول العربية فضلاًعن عباراته الإنشائية لا تضمن أى آليات تنفيذ لردع ممارسات الجانب الصهيونى تجاه أصحاب الآرض.. وتنوعت تعليقات النشطاء الساخرة على النحو التالى:

«إلا قلى ياسامح هو الريس مفتحش باب الجهاد ليه عشان الاعتداء على الأقصى؟ والدكتور عصام العريان مطالبش ليه بطرد السفير الإسرائيلى وتحذير السفيرة الأمريكية عشان دعم أمريكا الدائم لإسرائيل؟ وشباب الإخوان فى الجامعة معملوش ليه حملة لحرق أعلام أمريكا وإسرائيل والدعوة لمقاطعة ماكدونالدز وشيبسى وبيبسى عشان منتجات أمريكية؟ وشيوخ المساجد ليه مطلعوش ينددوا بالحكام العرب والرئيس المصرى بسبب موقفهم الهزيل؟ هما مش كانوا بيعملوا كده من كام سنة وهما فى المعارضة وبيزايدوا على اللى فى السلطة؟.. إيه؟ قبضوا على أحمد ماهر؟!

محدش من الجماعة فتح بقه وقال كلمتين وقت خطاب اوباما المهول فى القدس وانها عاصمة أبدية لاسرائيل طلع البلتاجى يوم الجمعة ومسك المايك وقال كلام بكرة يقولوا عليه دا رأى شخصى ولا يمثل الجماعة أو الحزب ده كان بيصلى وخدته الحماسة شوية ومعدش حيعملها تاني.

هى الجماعة اللى بقالها 80 سنة بتطالب بفتح باب الجهاد ماردتش ليه؟.. المفتاح بقى معاهم والنظام البائد غير الكالون قبل ما يعزل.. أنا مش اخوان بس بحترمهم.

 المفتاح سايبينه تحت الدواسة فى اسرائيل.

بدل ما بيعبوهم باتوبيسات عشان يروحوا المظاهرات يعبوهم يروحوا يجاهدوا فى القدس

الاخوان تطالب الاخوان بالافراج عن احمد ماهر تسلم ايد اللى لف سيجارة البرسيم.

الوصول الى القدس من اهداف حازم ابواسماعيل شكله قصده مطعم القدس اللى فى المهندسين .

اليوم أحمد ماهر يجنى ثمار الليمون ودعمه لعصابة الاخوان للوصول للحكم حلو الاستقرار يا احمد يا ماهر؟!

 

 







الرابط الأساسي

الاكثر قراءة

الدولة تتدخل بقوة لكسر الاحتكار.. عودة عملاق الحديد والصلب بحلوان
500 شاب يحتفلون بعيد الشرطة بـ«مسيرة رياضية» بالمنوفية
مصر تخاطب العالم
القومى للمرأة يشيد بـ «أبوالعروسة»
هنا القاهرة.. عاصمة الثقافة
«الضحية» خطوة على طريق تفكيك الفكر المتطرف
هيئة نظافة وتجميل العاصمة.. لا نظافة ولا تجميل

Facebook twitter rss