صحيفة روز اليوسف

رئيس مجلس الإدارة
عبد الصادق الشوربجي

رئيس التحرير
أحمد باشا

20 سبتمبر 2018

أبواب الموقع

 

اتكلم

الإسلام مش هو الحل

8 مارس 2013



هااا.. شتمتني؟، كفرتني؟.. لا مش انت، ولا انتي، أنا بتكلم عن اللى بيشتم ده قبل ما يفهم أنا عايز أقول إيه، على العموم سيبكم منه وركزوا معايا.
 
الإسلام مش هو الحل لكل المشاكل اللى احنا فيها دي، اه والله بجد!، إحنا ظالمين الإسلام معانا جداً، وكمان زهقت من كتر ما بسمع جملة "أنت مبتصليش يبقى ربنا مش هيكرمك ومش هينجحك"!.
 
هو اللى اخترع المكوك.. اخترعه وهو بيصلى العصر؟، ده اللى اخترع المكوك ده بيشرب خمره و.... يالا مش مهم الباقي.
 
هما الناس اللى كانوا فى حفلة الأوسكار الأخيرة دول، ايون اللى بنقول عليهم عالميين وعباقرة ، خدوا جوائز الأوسكار علشان بيصلوا ركعتين السنة اللى قبل الفجر؟، هى إسرائيل دولة اليهود وصلت للتقدم والازدهار ده علشان بيختموا القرآن فى رمضان؟، هى اليابان قلبت العالم باختراعاتها علشان اليابانيين مواظبين على أذكار الصباح والمساء؟، هو "ميسى" بقى أحسن لاعب فى العالم علشان بيلعب وفى ايده السبحة؟.
 
الخلاصه يعني، إن ربنا قال "وقل اعملوا فسيرى الله عملكم"، لكنه مقالش "وقل اعملوا ايها المسلمون أو أيها المؤمنون"، ومش معنى كلامى برضه أنك تنسى إن ربنا موجود، لأ، معنى كلامى أنك لو عايز تنجح وتبقى مميز، اتعلم وذاكر وجرب واسعى على قد ما تقدر، خللى علاقتك بربنا زى علاقتك بحبيبتك كده.. محدش يعرف تفاصيلها غيركم أنتم الاتنين.






الرابط الأساسي

الاكثر قراءة

سَجَّان تركيا
وداعًا يا جميل!
ضوابط جديدة لتبنى الأطفال
«البترول» توقع اتفاقًا مع قبرص لإسالة غاز حقل «أفردويت» بمصر
مفاجآت فى انتظار ظهور «مخلص العالم»
ادعموا صـــــلاح
الحلم يتحقق

Facebook twitter rss