صحيفة روز اليوسف

رئيس مجلس الإدارة
عبد الصادق الشوربجي

رئيس التحرير
أحمد باشا

26 سبتمبر 2018

أبواب الموقع

 

اتكلم

«بيت السينما» فن الفرجة

22 فبراير 2013



السينما أحد أهم الفنون اللى عرفتها البشرية، واللى فيها بيتخلد التاريخ البشرى على المستويات التلاتة (الإنسانى والاجتماعى والسياسى) فى تناغم عجيب أساسه الصورة فى المقام الأول.
 
لكن الفترة الأخيرة عانت مصر من انحدار فى سوق السينما وبقى الفيلم بيقاس قيمته بايراداته مش بمحتواه ولا باللى بيقدمه. ومع المزاج السيئ للمصريين فى فترة ما قبل الثورة وما بعدها الناس بقت بتتجه بشكل مبالغ فيه نحو السينما غير الهادفة، التجارية فى المقام الأول، واللى المنتجين بيصرفوا عليها من أجل جمع المال والمكسب المضمون، فتلاقى من المحزن أن أكتر فيلم عمل إيراد فى تاريخ السينما المصرية كان «شارع الهرم» بطولة سعد الصغير ودينا الراقصة وكان الكلام ده بعد الثورة! ووسط كل معمعة الابتذال دى تاه المعنى الحقيقى للسينما.
 
الحالة دى أدركها «نادى بيت السينما» اللى أخذ على عاتقه تقديم أفلام سينمائية عالمية ومحلية هادفة علشان لإعادة مفهوم وثقافة السينما لدى المصريين.
 
نادى جمعية «بيت السينما» هو باختصار كيان ثقافى هدفه تدعيم الثقافة السينمائية وإثراؤها.
 
وتسليط الضوء على نوع آخر من الأعمال السينمائية بتعكس حياة الشعوب المختلفة ومعاناتها وايضاح الدور الحقيقى اللى تلعبه السينما فى إثراء الإنسانية ومد جسور التواصل بين كل الشعوب، والنادى بيطبق ده بشكل عملى مهم، بتقديم عرض سينمائى أسبوعى لأحد الأفلام العالمية المشاركة فى مهرجانات كبرى.
 
النادى مش يتوقف عند عرض الفيلم بس، بل يقوم بفتح مناقشة بين الحضور حول الفيلم بعد انتهائه، للحديث عن أبعاد الفيلم والمعانى اللى بيهدفها وتحليله بشكل بسيط من قبل الحضور للوقوف على اهم النقاط فى الفيلم، ويدير المناقشة الناقد الشاب أحمد شوقى.
 
تقدروا تستفيدوا من نشاط الجمعية بمتابعة الأفلام اللى بتقدمها أسبوعيا كل يوم خميس الساعة 6:30 مساء فى مقرها الموجودة فى 36 شارع شريف، وسط البلد، القاهرة. وجميع عروضها مجانا.
 
كمان تقدروا تعرفوا برنامج الأفلام الشهرى عن طريق صفحة «نادى بيت السينما» على «فيس بوك» وتقدروا توصلولها من اللينك ده:
 
 

 http://www.facebook.com/CinemaHouseClub?ref=ts&fref=ts







الرابط الأساسي

الاكثر قراءة

15 رسالة من الرئيس للعالم
رسائل «مدبولى» لرؤساء الهيئات البرلمانية
الأبعاد التشكيلية والقيم الروحانية فى «تأثير المذاهب على العمارة الإسلامية»
الرئيس الأمريكى: مقابلة الرئيس المصرى عظيمة.. والسيسى يرد: شرف لى لقاء ترامب
الاستثمار القومى يوقع اتفاق تسوية 500 مليون جنيه مع التموين
لمسة وفاء قيادات «الداخلية» يرافقون أبناء شهداء الوطن فى أول أيام الدراسة
الحكومة تعفى بذور دود القز من الجمارك لدعم صناعة الحرير

Facebook twitter rss