صحيفة روز اليوسف

رئيس مجلس الإدارة
عبد الصادق الشوربجي

رئيس التحرير
أحمد باشا

25 مارس 2019

أبواب الموقع

 

رياضة

دينا مشرف بطلة تنس الطاولة: الأخلاق والتفاهم اهم شروطى فى «فتى أحلامى»

15 مارس 2019

كتب : محمد سامى




البطلة دينا مشرف التى تحولت من رياضة التنس الأرضى الى تنس الطاولة فى طفولتها لتصب واحدة من أهم بطلات المحروسة تفتح قلبه لـ«روزا جاردن» من خلال الحوار التالى: ■ كيف بدأتى الرياضة بشكل عام؟ وتنس الطاولة بشكل خاص؟
ـــ أسرتى كانوا أبطالا فى تنس الطاولة، كانوا حابين ان ألعب رياضة وهما اللى رشحوا لى تنس الأرضى لتشابهها الكبير مع تنس الطاولة، بالإضافة لانهم كانوا عايزين ان امارس حاجة مختلفة غير تنس الطاولة بعيدًا عن العائلة كلها مش هتلعب نفس اللعبة، لكن لما جربت تنس الطاولة حبيتها اكثر وانا اللى قررت اغير من تنس ارضى لطاولة، وبرده كنت بمارس السباحة مع بدايتي.
■ متى كان انضمامك للنادى الأهلى؟
ــ بدأت تنس طاولة فى النادى الأهلى وانا عمرى 7 سنوات، لحد الأن وانا لاعبة فى النادى الأهلى.
■ من الذى ساعدك خلال ممارستك اللعبة؟
ـــ أكثر من حد ساعدنى ولكن بابا وماما كانوا كتير بيساعدونى زيادة عن التمرين الخاص بالنادى، وكذلك جدى والد بابا رحمه الله كان بيحضر معايا جميع تمريناتى وانا صغيرة فترة تحت 12 سنة، وكان بيسافر معي البطولات، وكان مهتما أيضًا ان اتمرن ساعات زيادة عن التمرين العادى الخاص بالنادى، بالإضافة لمساعدة مدربين كتير فى النادى أمثال الكباتن «مسعد رحيم، أسامة مطاوع، محمد الشرقاوى، محمد صبرى، هشام محمد، هؤلاء فى فترة طفولتى، وايضا الكباتن «سيد الديب، عادل شومان، طارق فوزى، أحمد عياد» حتى مرحلة السيدات فى الأهلى، وفى المنتخب الكابتن أشرف حلمى، وماجد عاشور فى المنتخب، ومستر أليكسى يفرموف الخبير البيلا روسى ومستر زانج الخبير الصيني.
■ ما البطولات التى تشارك فيها؟
ـــ أشارك فى بطولات محلية مع النادى الأهلى خلال الفترة الحالية، الدورى أو كأس مصر، والبطولات الدولية كبطولة أفريقيا، وبطولة العالم، وبخلاف البطولات الرسمية، فى بطولات دولية بتتلعب على مدار السنة، من أجل التصنيف الدولى أسمها World Tour تقريبا كل شهر فى بطولة، وطبعا لو فى بطولات العرب بشارك فيها.
■ كم بطولة حققتها دينا مشرف؟
ـــ  حققت العديد من البطولات الحمد لله من تحت 15 سنة حتى مرحلة السيدات، ما بين بطولات أفريقيا، وبطولة نيجيريا الدولية 2017 حصلت على المركز الأول، دورة الألعاب العربية فوزت بـ 3 ميداليات ذهبية 2011، دورة الألعاب الإفريقية 2015 فى الكونغو فوزت بميدالية ذهبية، فى الفردى والفرق.
■ ما أقوى الدول فى لعبة تنس الطاولة؟
ـــ دول شرق أسيا، مثل الصين وهونج كونج واليابان، وسنغافورة، وتايوان، وكوريا الجنوبية وكوريا الشمالية، وفى أوروبا أيضًا فى ألمانيا ورومانيا.
■ من مثلك الأعلى فى هذه اللعبة؟
ـــ اللاعبات الصينيات، ولكن لو هختار اسما معينا يبقى اللاعبة الصينية بتلعب بإيدها الشمال، انا برده بلعب بإيدى الشمال، أسمها دينج لينج بطلة أوبمبياد 2016 وبطلة العالم.
■ ما هواياتك المفضلة غير تنس الطاولة؟
ــ بحب اشاهد التليفزيون او افلام وبحب عزف البيانو أو الأورج.
■ هل انتى متزوجة؟
ـــ لا مش متزوجة.
■ وما مواصفات فتى أحلامك؟
ــ  هى مش مواصفات قد ما هى أساسيات بالنسبة لى لازم تكون موجودة، زى الأخلاق والتدين والتفاهم ما بين الطرفين لان الزواج بيستمر مدة طويلة جدا عشان كده يبقى لازم يكون فى تفاهم كويس جدا، لازم يكون فى كيمياء ما بين الأثنين.
■ ما الأمنيات التى تسعى دينا لتحقيقها فى المستقبل؟
ــ أتمنى تحقيق بطولات دولية مهمة زى كأس العالم نفسى أن أجيب فيها ميدالية يومًا ما، وحاسة أن ده مش بعيد واقدر أحققها، ااه صعبة لكن مش بعيدة، ونفسى أحقق نتيجة فى الأولمبياد تكون قوية لان الميدالية فى الأولمبياد حاجة صعبة المنال جدا وبعيدة جدا، لان المنافسة عالية، وكمان محتاجة ان أضحى واتمرن فى الصين كتير جدًا، وده مش بيبقى سهل عليَّ ان أبعد عن عائلتى، يعنى نفسى أدخل دور الـ 16 أو الـ 8 فى الأولمبياد، وان احقق نتيجة مميزة محدش حققها قبل كده، نفسى ان اكون من ضمن أفضل 20 لاعبة على العالم فى التصنيف العالمى، ونفسى أساعد فى مجال الرياضة بعدما أعتزل اللعبة، بأى شكل، مش شرط تدريب ولكن إدارة مكان معين، وان افيد غيرى بالخبرات اللى انا استفدت منها، وبرده نفسى اطبق أى حاجة من اللى اتعلمته فى الجامعة، فى الشغل، أن ادخل مجال له علاقة بالبيزنس بحيث ان استفيد وأطبق اللى درسته فى الجامعة الامريكية.







الرابط الأساسي

الاكثر قراءة

السيسى لـ«الشباب»: تمسكوا بأحلامكم واجعلوا الحوار وتقبل الآخر دستوركم
وسام الاحترام د.محمد المشالي طبيب الغلابة
6 عروض لتطوير شركة الحديد والصلب بحلوان باستثمارات 250 مليون يورو
لقاء القمة يخيم على معسكر المنتخب
السيسى يدعو لوضع آلية للتعامل مع ظاهرة انتقال «الإرهابيين» بين الدول
جدولة مستحقات المعاشات
زواج المقايضة «بيعة وشروة»

Facebook twitter rss