صحيفة روز اليوسف

رئيس مجلس الإدارة
عبد الصادق الشوربجي

رئيس التحرير
أحمد باشا

19 سبتمبر 2018

أبواب الموقع

 

الأخيرة

النهضة رجعت لنا «الميسد كول»..ولا عزاء للحبيبة

22 يناير 2013

كتب : مروة فتحي




 

 

 

اشتعلت مواقع التواصل الاجتماعى «الفيس بوك» و«تويتر» بعد قرار شركات المحمول برفع أسعار كروت الشحن على عملاء الكارت المدفوع مسبقا بقيمة 15%، ليصل سعر كارت الشحن إلى 11.5 جنيه بدلا من عشر جنيهات.

 وتوالت التعليقات الساخرة من القرار ابرزها: «سيذكر التاريخ أن النهضة رجعت الميسد كول تانى»، و«رسالة إلى مزتى انسى خالص حكاية مكالمة كل ربع ساعة دى»، ، و«عايز كارت شحن على قدى يا أهل الشحن اتكلم منه ميخلصش.. احول منه مينقصش.. يارب رصيدى متقله مهما اتكلم منه»، و«يا بخت اللى شحن امبارح»، و«الثورة مستمرة.. عــيـش .. حرية.. كروت مجانية»، و«بعد زيادة أسعار كروت الشحن.. ا‏لإقبال على الرنات النهاردة تاريخى يا فندم»، و«اللى يكلمك دلوقتى.. تعرف أنه فعلا يا إما بيحبك يا إما عاوز منك حاجة»، و«اللى هيفرط ف الرصيد بتاعه دلوقتى هيبقى كأنه فرط ف عيل من عياله»، و«هو صحيح إن سعر كروت الشحن زاد ولا ده كــلام إعلانات؟»، و«ياللى ساكت ساكت ليه معاك كريدت ولا إيه»، و«بكرة مرسى يطلع يسحب قرار زيادة أسعار كروت الشحن خابزينك يا ريس»،  و«بعد ما سمعت أن كروت الشحن هتغلى حمدت ربنا وبوست ايدى شعر ودقن أنى سينجل مش ناقصة خراب بيوت».. فيما تخيل أحد النشطاء تعليق المشاهير على هذا القرار، فقال الشيخ محمود شعبان المشهور بعبارة «هاتولى راجل»: «هاتولى شاحن»، وعبد المنعم الشحات: «كروت الشحن أصلاً حرام»، وعبد الله بدر: «كارت شحن إيه يا روح أمك»، والشيخ أبو إسماعيل: «أنا سعيد إنكم غليتوا كروت الشحن يا ريت لو يجيبولى شاحن عشان تليفونى فاصل»، ومحمد البرادعى: «الكروت غليت يا منى»، ومحمد بديع: «الموبايلات ما ذنب الموبايلات».

كما دشن بعض نشطاء موقعى التواصل الاجتماعى «فيس بوك» و«تويتر» حملة بعنوان «علمهم الأدب» احتجاجا على غلاء أسعار كروت الشحن،  وطالبت الحملة بشركة محمول تابعة للحكومة ومقاطعة شركات المحمول أيام 22 و28 يناير الجارى، كما طالبت المواطنين بالدخول إلى صفحات شركات المحمول الثلاث الرسمية وكتابة جملة «رجعوا أسعار الكروت والدقايق زى ما كانت يا إما هنعلمكم الأدب».

 

 

 

 

 







الرابط الأساسي

الاكثر قراءة

الرئيس يرعى مصالح الشعب
فى معرض الفنانة أمانى فهمى «أديم الأرض».. رؤية تصويرية لمرثية شعرية
«عاش هنا» مشروع قومى للترويج للسياحة
466 مليار جنيه حجم التبادل التجارى بين «الزراعة» والاتحاد الأوروبى العام الماضى
الطريق إلى أوبك
« روزاليوسف » تعظّم من قدراتها الطباعية بماكينة «CTP» المتطورة
مكافحة الجرائم العابرة للأوطان تبدأ من شرم الشيخ فى «نواب عموم إفريقيا»

Facebook twitter rss