صحيفة روز اليوسف

رئيس مجلس الإدارة
عبد الصادق الشوربجي

رئيس التحرير
أحمد باشا

23 يناير 2019

أبواب الموقع

 

اتكلم

عبد الرحمن: شغال وبدرس.. والغلاء مشكلة حياتى.. ومبصدقش فى التليفزيون غير الآدان.

11 يناير 2013



عرفنا بيك وبحياتك؟

- انا عبدالرحمن على سنى20 سنة، فى اولى معهد نظم معلومات إدارية وفى نفس الوقت بشتغل فى شركة التعاون للبترول قسم تموين السفن بس مش متعين، والدى كان بيشتغل فى نفس الشركة بس توفى فدخلت مكانه لأنى أبناء عاملين ورغم انى مكنتش حابب الشغلانة الا انى اقتنعت بها فيما بعد عشان مفيش شغل دلوقتى، وأنا أصلا كنت فى كلية هندسة بس حولت لمعهد نظم معلومات إدارية عشان أخدم على ظيفتى، وانا مرتبى 500 جنيه تقريبا طبعا مش بيكفونى بالعكس أنا لسة اهلى بيصرفوا عليا وبيساعدونى رغم أنى بشتغل.

 بتقضى يومك إزاي؟

- بروح شغلى من 7 لغاية 3 العصر وبعد كده برجع البيت وبريح شوية واتغدى وبعد كده ممكن اقعد على النت شوية وباخرج مع صحابى بليل.

بتابع اللى بيحصل فى البلد؟

- طبعا.. انا لازم أدخل كل يوم على المواقع الاخبارية على النت علشان أعرف الدنيا فيها ايه لأن بصراحة التليفزيون مش بثق فيه ومبقتش أصدق فيه أى حاجة غير الأدان.

 ايه هى مشاكلك؟

- غلاء الأسعار.. واللى زود الطينة بلة قانون زيادة الضرايب الجديد.

▪بتتمنى إيه فى السنة الجديدة؟

- اتمنى ان مصر تبقى أحسن وأننا نرجع تانى نتوحد ونبقى كلنا إيد واحدة لأن أدامنا تحديات كتير.







الرابط الأساسي

الاكثر قراءة

الدولة تتدخل بقوة لكسر الاحتكار.. عودة عملاق الحديد والصلب بحلوان
مصر تخاطب العالم
500 شاب يحتفلون بعيد الشرطة بـ«مسيرة رياضية» بالمنوفية
القومى للمرأة يشيد بـ «أبوالعروسة»
هنا القاهرة.. عاصمة الثقافة
«الضحية» خطوة على طريق تفكيك الفكر المتطرف
بانوراما تحت القبة

Facebook twitter rss