صحيفة روز اليوسف

رئيس مجلس الإدارة
عبد الصادق الشوربجي

رئيس التحرير
أحمد باشا

26 سبتمبر 2018

أبواب الموقع

 

ثقافة

واحة الإبداع.. النقطة السودة

23 فبراير 2018



اللوحات للفنان - عادل ثروت

يسيل بجوار النيل فى بر مصر نهر آخر من الإبداع.. يشق مجراه بالكلمات عبر السنين.. تنتقل فنونه عبر الأجيال والأنجال.. فى سلسلة لم تنقطع.. وكأن كل جيل يودع سره فى الآخر.. ناشرا السحر الحلال.. والحكمة فى أجمل أثوابها.. فى هذه الصفحة نجمع شذرات  من هذا السحر.. من الشعر.. سيد فنون القول.. ومن القصص القصيرة.. بعوالمها وطلاسمها.. تجرى الكلمات على ألسنة شابة موهوبة.. تتلمس طريقها بين الحارات والأزقة.. تطرق أبواب العشاق والمريدين.  إن كنت تمتلك موهبة الكتابة والإبداع.. شارك مع فريق  «روزاليوسف» فى تحرير هذه الصفحة  بإرسال  مشاركتك  من قصائد أو قصص قصيرة «على ألا تتعدى 055 كلمة» على الإيميل التالى:    

[email protected]


النقطة السودة

كلمات - عبد الباسط محمد

جربت تعيش
فى مساحة الحلم البيضا
والبُعد عن التركيز
فى النقطة السودة
اللى مكبرها بزوم الفقر  
وقلة حيلك
وبجد حاولت تمد عنيك
وتشب بطولك
ع العالم من حواليك
وتشوف ..
الدنيا بتمشى إزاى
أو ماشية إزاى
والكون إزاى بيكون
والشمس بتشرق ليه
وتغيب فى سكون
وبترجع تانى تكون زى ما كانت
بعد ما راحت . راحت راجعة
بنفس مشاعر  مضمون شوقها
فى عشق الكون
دورت
 تلاقى لحلمك أى طريقة
تكون مش عيبة
ومن غير دس لشىء مفضوح
ولا تقرب
منك لحظة تحاسب نفسك
كده بأمانة وكل وضوح
من غير ضعف
ومن غير خوف
تفتح كل ببان الرحمة
معاك وتروح
تقلع كل عيوبك
وتغير أسلوبك
وطريقتك فى التفكير
وتفكك م التعقيد وأمور التعجيز
وتسيبك م الحتة الضيقة
الزانق حلمك فيها هناك
وتلملم كل المتبعتر جواك
تتحدى ظروفك ومشاعر خوفك
وقلق كراكيب الاحتمالات
للفشل الطارح ضمى جواك
وتقول للدنيا وكل الناس
أنا أهوه
متفسر من كل الألغاز  
وموجز.. م اللوغاريتمات
من كل الثغرات جواي
والـ فات كان دافع للجاي
والجاى يبقى نتيجة الرايح
فى استخلاص نفسك
من حسبة بيرما ف تعداد الأموات

 

 







الرابط الأساسي

الاكثر قراءة

إزالة 55 تعدٍ على أراضى الجيزة وتسكين مضارى عقار القاهرة
رسائل «مدبولى» لرؤساء الهيئات البرلمانية
15 رسالة من الرئيس للعالم
متى تورق شجيراتى
الأبعاد التشكيلية والقيم الروحانية فى «تأثير المذاهب على العمارة الإسلامية»
هؤلاء خذلوا «المو»
الرئيس الأمريكى: مقابلة الرئيس المصرى عظيمة.. والسيسى يرد: شرف لى لقاء ترامب

Facebook twitter rss