صحيفة روز اليوسف

رئيس مجلس الإدارة
عبد الصادق الشوربجي

رئيس التحرير
أحمد باشا

19 سبتمبر 2018

أبواب الموقع

 

ثقافة

واحة الإبداع.. زى ما أنت شـايف

26 يناير 2018



يسيل بجوار النيل فى بر مصر نهر آخر من الإبداع.. يشق مجراه بالكلمات عبر السنين.. تنتقل فنونه عبر الأجيال والأنجال.. فى سلسلة لم تنقطع.. وكأن كل جيل يودع سره فى الآخر.. ناشرا السحر الحلال.. والحكمة فى أجمل أثوابها.. فى هذه الصفحة نجمع شذرات  من هذا السحر.. من الشعر.. سيد فنون القول.. ومن القصص القصيرة.. بعوالمها وطلاسمها.. تجرى الكلمات على ألسنة شابة موهوبة.. تتلمس طريقها بين الحارات والأزقة.. تطرق أبواب العشاق والمريدين.  إن كنت تمتلك موهبة الكتابة والإبداع.. شارك مع فريق  «روزاليوسف» فى تحرير هذه الصفحة  بإرسال  مشاركتك  من قصائد أو قصص قصيرة «على ألا تتعدى 550 كلمة» على الإيميل التالى:    

 

[email protected]


اللوحات للفنانة شيماء علاء


زى ما أنت شـايف

كلمات: مراد ناجح عزيز

بينفخ بالونات
ويطيّرها
وفى آخر الخيط بيعلق روحه
بعد مايتخفف من وزنه الزايد فى الأحزان
ويطير
الأرض: سهراية وجع
لامّه الصحاب والأهل فى هدومها
أفراحه: قناديل مطفية
الناس: زى ما انت شايف
وإنك تلاقى فيهم حد يضحكلك
متلاقيش
لا الخوف بدّل مواسمه فى عينيك
ولا العمر هـيرجع بيك ورا
روحك العايقة فى ربيع العمر
بتغازل الدنيا
الدنيا اللى بقت زى نقطه صغيرة
فى لوحة رسم جميلة
اللوحة اللى كل ما بتقرّب منها
تتوه فى التفاصيل
وماتقدرش تحدد هيّه جوّاك
ولا آنت اللى جواها
(أراجوز)
وبتلعب كل الأدوار فى سيناريو
(العمر القصيّر ودمعتين ع الخد)
والخيط يتشد
وأنا سايب روحى حمام بيطير
ويسبّح ربنا
وبيقرا الفاتحة للغايبين.. أحلامنا
والطيبين.. أيامنا
والفلاحين
والمجروحين
واللى نايمين على ودانهم زيّ
وبيحلموا بالطيران

 







الرابط الأساسي

الاكثر قراءة

سَجَّان تركيا
«البترول» توقع اتفاقًا مع قبرص لإسالة غاز حقل «أفردويت» بمصر
ادعموا صـــــلاح
الحلم يتحقق
نجاح اجتماعات الأشقاء لمياه النيل
الزمالك «قَلب على جروس»
ضوابط جديدة لتبنى الأطفال

Facebook twitter rss