صحيفة روز اليوسف

رئيس مجلس الإدارة
عبد الصادق الشوربجي

رئيس التحرير
أحمد باشا

23 يناير 2019

أبواب الموقع

 

ثقافة

واحة الإبداع.. حنين

29 ديسمبر 2017



اللوحات للفنان
 جون وليام ووترهاوس

يسيل بجوار النيل فى بر مصر نهر آخر من الإبداع.. يشق مجراه بالكلمات عبر السنين.. تنتقل فنونه عبر الأجيال والأنجال.. فى سلسلة لم تنقطع.. وكأن كل جيل يودع سره فى الآخر.. ناشرا السحر الحلال.. والحكمة فى أجمل أثوابها.. فى هذه الصفحة نجمع شذرات  من هذا السحر.. من الشعر.. سيد فنون القول.. ومن القصص القصيرة.. بعوالمها وطلاسمها.. تجرى الكلمات على ألسنة شابة موهوبة.. تتلمس طريقها بين الحارات والأزقة.. تطرق أبواب العشاق والمريدين.  إن كنت تمتلك موهبة الكتابة والإبداع.. شارك مع فريق  «روزاليوسف» فى تحرير هذه الصفحة  بإرسال  مشاركتك  من قصائد أو قصص قصيرة «على ألا تتعدى 055 كلمة» على الإيميل التالى:    

[email protected]


 

حنين

كلمات - حسام عبد الحي

أصعب اللحظات ف عمرك
هى لحظات الحنين
لما تضحك وانت وحدك
لجل ذكرى بعيدة جدا
جت فى بالك ثانيتين!!
لما بتدور بنفسك
وسط ورقات الزحام
والبنكنوت
والمناهدة والروتين
على صورة تايهة من سنين
صورة واخدة شبه لون أصفر حزين
تلمس الأشخاص داخلها
تفتكرهم وتحاورهم وتحاورها
ده اللى سافر
ده اللى مات
ده اللى نستنى الليالى
أرفع التليفون عليه من عمر فات
المكان ده
كنا فيه متجمعين
ضمن ليله
من اسعد ليالى الأرض
تمسك الدمعات ف رمشك
خايفة تنزل ع الصور لتبلها
وتدوب الأشباه فى بعض
الثوانى تكون دقايق
والدقايق تبقى ساعة
الوقت خاين
حتى لحظات التذكر
صار بيفسدها ببراعة
الصور ترجع مكانها
وسط ورقات الروتين
والحياة ترجع تناكفك
واحنا نرجع كدابين
والنفاق بيعود يسود
والمشاغل والوعود
والصحاب المنفاتين
وانت ترجع برضه ذكرى
ف صورة ف درج ناس..تانيين







الرابط الأساسي

الاكثر قراءة

500 شاب يحتفلون بعيد الشرطة بـ«مسيرة رياضية» بالمنوفية
الدولة تتدخل بقوة لكسر الاحتكار.. عودة عملاق الحديد والصلب بحلوان
مصر تخاطب العالم
بانوراما تحت القبة
القومى للمرأة يشيد بـ «أبوالعروسة»
عبدالعال: مصر تتبع المنهج العلمى فى بناء الدولة
«الضحية» خطوة على طريق تفكيك الفكر المتطرف

Facebook twitter rss