صحيفة روز اليوسف

رئيس مجلس الإدارة
عبد الصادق الشوربجي

رئيس التحرير
أحمد باشا

25 سبتمبر 2018

أبواب الموقع

 

ثقافة

واحة الإبداع.. دول مين

15 ديسمبر 2017



اللوحات للفنان
جورج فكرى

يسيل بجوار النيل فى بر مصر نهر آخر من الإبداع.. يشق مجراه بالكلمات عبر السنين.. تنتقل فنونه عبر الأجيال والأنجال.. فى سلسلة لم تنقطع.. وكأن كل جيل يودع سره فى الآخر.. ناشرا السحر الحلال.. والحكمة فى أجمل أثوابها.. فى هذه الصفحة نجمع شذرات  من هذا السحر.. من الشعر.. سيد فنون القول.. ومن القصص القصيرة.. بعوالمها وطلاسمها.. تجرى الكلمات على ألسنة شابة موهوبة.. تتلمس طريقها بين الحارات والأزقة.. تطرق أبواب العشاق والمريدين.  إن كنت تمتلك موهبة الكتابة والإبداع.. شارك مع فريق  «روزاليوسف» فى تحرير هذه الصفحة  بإرسال  مشاركتك  من قصائد أو قصص قصيرة «على ألا تتعدى 055 كلمة» على الإيميل التالى:    

[email protected]


دول مين

كلمات –  بدور عادل/ المنيا

قتلوا مريم قتلوا مينا
قتلوا فرحة المدينة
قتلوا محمد ياسين
دول يبقوا مين
دول طلعوا خونة ملهمش ملة
ولا حتى دين دول يبقوا مين
قتلوا الأولاد لحظة خشوع
سالت دماؤهم زى الدموع
دول يبقوا مين دول يبقوا مين
مش مسلمين
معقول يكونوا مسلمين
دول يبقوا مين بالارب جي
ضربوا بيه قتلوا الأبريا  ليه
دول يبقوا مين
قتلوا المسيحى قتلوا الصليب
قتلوا البعيد و القريب
فى أرض سيناء أجمل مدينة
قتلوا فينا كل اللى لينا
قتلوا سيناء قتلوا فرحة الصلاة
قتلوا لمة الولاد
قتلوا حتى الجماد
كسروا الحيطان
قطعوا شرايين السعادة
قتلوا حتى حبنا فى كل العبادة
كل كنيسة وكل جامع
نبض قلبى ولادى سامع
صوت أقدام تقرب
سامع صوت ملاك يقول أنت شهيد
صوت من بعيد
أنت شهيد الكنيسة وأنت شهيد الدموع
أنت شهيد اللى تحت الأرض
طالع يطفئ فى الكنيسة كل الشموع
طلع يوقف الأذان
والصلاة كله كمان
دول يبقوا مين
والحزن خيم على المكان
وقف الزمان دول يبقوا مين
قلبى الحزين
ودموع كتير ملت العيون
بتقول حرام دول يبقوا مين
ليه يقتلوا ليه يحزنوا قلوب الأمهات
دول يبقوا مين
بنقول حرام وسط الزحام
دول يبقوا مين
حرام دم محمد ودم مريم ودم مينا
والحزن خيم مش يوم وليلة
ده شهور كتيرة فوق المدينة
مريم تنادي
محمد صلى هنا بدل المساجد
ومينا قاعد جنبه خايف
ليجى طيف يقتل ولادى







الرابط الأساسي

الاكثر قراءة

الحاجب المنصور أنقذ نساء المسلمين من الأسر لدى «جارسيا»
الدور التنويرى لمكتبة الإسكندرية قديما وحديثا!
يحيا العدل
قمة القاهرة واشنطن فى مقر إقامة الرئيس السيسى
4 مؤسسات دولية تشيد بالتجربة المصرية
أنت الأفضل
جامعة طنطا تتبنى 300 اختراع من شباب المبتكرين فى مؤتمرها الدولى الأول

Facebook twitter rss