صحيفة روز اليوسف

رئيس مجلس الإدارة
عبد الصادق الشوربجي

رئيس التحرير
أحمد باشا

19 نوفمبر 2018

أبواب الموقع

 

ثقافة

واحة الإبداع.. شكل بعضه

1 ديسمبر 2017



يسيل بجوار النيل فى بر مصر نهر آخر من الإبداع.. يشق مجراه بالكلمات عبر السنين.. تنتقل فنونه عبر الأجيال والأنجال.. فى سلسلة لم تنقطع.. وكأن كل جيل يودع سره فى الآخر.. ناشرا السحر الحلال.. والحكمة فى أجمل أثوابها.. فى هذه الصفحة نجمع شذرات  من هذا السحر.. من الشعر.. سيد فنون القول.. ومن القصص القصيرة.. بعوالمها وطلاسمها.. تجرى الكلمات على ألسنة شابة موهوبة.. تتلمس طريقها بين الحارات والأزقة.. تطرق أبواب العشاق والمريدين.  إن كنت تمتلك موهبة الكتابة والإبداع.. شارك مع فريق  «روزاليوسف» فى تحرير هذه الصفحة  بإرسال  مشاركتك  من قصائد أو قصص قصيرة «على ألا تتعدى 550 كلمة» على الإيميل التالى:    
[email protected]

 

اللوحات للفنان
إيهاب شاكر


شكل بعضه


شعر - حسام عبدالحى


ضمور الضمير اللى دمَّر مداين
ودامت مادامت يدومها الضمير!
وصاحبك يصاحبك ولا ف صحبه خاين
ولا تعود عدوك و لو عاد أمير!
وهمَّك يهمك ولا يهم غيرك..
وعيشتك تعيشها ف عشك وحيد!
وسيرتك مسيرتك تسرّ الحبايب
ولو كان مكانك أكانك بعيد!
وقلبك يغالبك و يقلب كيانك
تحن لنواحى الحنين للى فات!
لناس مش ناسيهم.. وسانن سننهم
فتكتب وتكبت بكاك ع اللى مات!
يا ساقية يا قاسية يا سايقة العبيد
يا عاصية يا صعبة يا عاصبة العنين!
تمشّى فاهشِّم شهامتى ف طريقك
وأسبَّح واحسبن ف حبسك سنين!
يا خيبتك ف بختك يا خاينك خلايفك
يا عايدة اللى عدى فتعدم شجاعتك
يا ساكنة يا ساكتة ياساكبة الأمانى
ف بير بوّروه اللى رابو ف مجاعتك!
فراقك رفيقى لا يفرق معاها
لا حزنت لحزنك ولا يحزّ فيها!
وحبك يحيط بك فلا تحب غيرها
وتفضل فضولك يضلل عليها!
وقلمك يلملم ألامك يصوغها
مشاعر يا شاعر و شعر ف عيونك
وعينك تعينك تعينلك دموعك
فتصمد وتصمت و صمتك.. يخونك!
فيطلع كلام كاللى فات.. شكل بعضه
ملخبط ولكن ف سرُّه الغموض
لأن اللى كاتبه.. ملخبط أساسا
وتايه وتوهته.. تفوق الحدود

 







الرابط الأساسي

الاكثر قراءة

البنت المنياوية والسحجة والتحطيب لتنشيط السياحة بالمنيا
تعديلات جديدة بقانون الثروة المعدنية لجذب الاستثمارات الأجنبية
الزوجة: «عملّى البحر طحينة وطلع نصاب ومتجوز مرتين.. قبل العرس سرق العفش وهرب»
«المجلس القومى للسكان» يحمل عبء القضية السكانية وإنقاذ الدولة المصرية
50 مدربًا سقطوا من «أتوبيس الدورى»!
حتى جرائم الإرهاب لن تقوى عليها
حكم متقاعد يقوم بتعيين الحكام بالوديات!

Facebook twitter rss