صحيفة روز اليوسف

رئيس مجلس الإدارة
عبد الصادق الشوربجي

رئيس التحرير
أحمد باشا

21 سبتمبر 2018

أبواب الموقع

 

ثقافة

واحة الإبداع.. السما الثابتة

1 ديسمبر 2017



يسيل بجوار النيل فى بر مصر نهر آخر من الإبداع.. يشق مجراه بالكلمات عبر السنين.. تنتقل فنونه عبر الأجيال والأنجال.. فى سلسلة لم تنقطع.. وكأن كل جيل يودع سره فى الآخر.. ناشرا السحر الحلال.. والحكمة فى أجمل أثوابها.. فى هذه الصفحة نجمع شذرات  من هذا السحر.. من الشعر.. سيد فنون القول.. ومن القصص القصيرة.. بعوالمها وطلاسمها.. تجرى الكلمات على ألسنة شابة موهوبة.. تتلمس طريقها بين الحارات والأزقة.. تطرق أبواب العشاق والمريدين.  إن كنت تمتلك موهبة الكتابة والإبداع.. شارك مع فريق  «روزاليوسف» فى تحرير هذه الصفحة  بإرسال  مشاركتك  من قصائد أو قصص قصيرة «على ألا تتعدى 550 كلمة» على الإيميل التالى:    
[email protected]

 

اللوحات للفنان
إيهاب شاكر


 


 السما الثابتة


بقلم - فتحى سليمان


يدفس رأسه فى حضن أمه... ويسألها..ليه.. ليه؟ أنا معملتش حاجه.. ده أنا بحبهم لما يسمع العيال فى الحاره بيغنوا «بكره العيد ونعيّد وندبحك يا شيخ سيّد» ويرجع يفرح ويطمّن لما يسمعهم بيقولوا «منده بكره بقرشين.. عند الحاج سيد.. بقرشين» ويشاوروا على العجل اللى ساحبينه ورابطينه بحبل ويضحك لما يعرف أن مش هو المقصود بالسيد.
بركـــة الكفـــر كله، وشه بيضحك كل أوقات السنة وخطوته عريضه.
تلاقيه وأنت راجع البلد بعد غياب بيرحب بك ويطمنك على الحاجة أمك، وتطلع من الجامع لما تخلص الصلاه، تلاقيه بيقرّب لك فردة الجزمة اللى زحفت بعيد عن الباب.
عند السجل المدنى وأنت رايح تسجل مولودك تلاقيه واقف بيقولك (سمّيه «بدر») ويقنعك إن اسم «بدر» لايق عليه وعليك.
« بدر محمود» علشان تبقوا بدرين فى البيت.
فى يوم سألته «انت سعيد يا شيخ سيد؟» فلطشنى إجابة برجلت كل سنين تعليمي.. قال لي: «أنا مابطلبش الكتيـــر ولا عندى الكتير علشان أديه لحد، واللى بيجينى من الناس فى عينى كتير قوى، وفى عيونهم قليل، والوزنه دى ماتخليش لك عدوين أبدا».
كل ليلة لما يعدى قدام «مصطبة شيخ الغفر» يسمع نفس الكلام: «أنت يابو رجل مفلطحة زى خف الجمـــــل، وكل شق ف كعوبك بيشيـــل طين من أرض لأرض، يعمل له ييجى قيــــراط، حتضيع زمــــام البلد يا شيخ قــــرد»، ويزق عليه شيخ الجامع علشان يسمعه حكاية الإمام الشافعى.. لما كان بينفـــــض نعله من غيط لغيــــــط، وكان بيـــرد عليهم وهو بيبـٌـــص لأول السما «لولا الناس الطيبين اللى زىّ مكانش فيه مشّايه بين الغيطان، ولا جرف لتـــرعه ولا نوايــــة طرحت بلح، إحنا ملح الأرض وقواديس السواقى، احنا الدراويش اللى بيتسنـــّـد عليهم الزمن، ياشيخ القرود».







الرابط الأساسي

الاكثر قراءة

20 خطيئة لمرسى العياط
آلام الإنسانية
26 اتحادًًا أولمبيًا يدعمون حطب ضد مرتضى منصور
إعلان «شرم الشيخ» وثيقة دولية وإقليمية لمواجهة جرائم الاتجار بالبشر
السيسى فى الأمم المتحدة للمرة الـ5
توصيل الغاز الطبيعى لمليون وحدة سكنية بالصعيد
مصر تحارب الشائعات

Facebook twitter rss