صحيفة روز اليوسف

رئيس مجلس الإدارة
عبد الصادق الشوربجي

رئيس التحرير
أحمد باشا

17 نوفمبر 2018

أبواب الموقع

 

الأخيرة

السوشيال ميديا: «شريف إكرامى كان ممكن يبقى رسام أو مغنى».. لما تخلفوا اوعوا تغصبوا عيالكوا يبقوا زيكم

18 سبتمبر 2017



شن نشطاء مواقع التواصل الاجتماعى هجوماً عنيفاً على شريف إكرامى بعد أن أدخل هدفًا فى مرماه وتسبب فى تعادل ناديه مع الترجى التونسى بعدما كان من الممكن أن يحقق الفوز، إذ قال أحد النشطاء عبر حسابه الشخصى على فيس بوك:«الناس كلها متحملة على شريف إكرامى و لكن أن إللى الأهلى فيه ده كله نتيجة الضغط على شريف إكرامى عشان يطلع زى بابا. هو من الأول خالص مكنش ينفع يبقى جون وأكيد مينفعش يبقى لعيب الراجل بيتصاب كل ماتشين. و من الفرجة عليه وسرحانه الدائم أنا حاسس أنه كان ممكن يبقى رسام أو مغنى مثلا.. لما تخلفوا أوعوا تغصبوا عيالكوا يبقوا زيكم.. عشان ميتسبلكمش انتوا وهما.. ربنا يسامحك يا كابتن إكرامى».
وقال آخر عبر حسابه الشخصى على فيس بوك: «الهدف اللى جه فى إكرامى قبل ما يدخل فيه حسسنى أنه بيظبط وببيوضب ويهندس.. وفى الآخر لقيته بيصقف.. والله كنت بحسب أنه بيهزر لدرجة إن فتحى قاعد يزعق وهو شريف بيصرخ كأنه معموله عمل».. وقالت إحدى المغردات عبر حسابها الشخصى على تويتر:« شريف إكرامى مش وحش أفريقيًا، ومش حارس مصر الأول، ومش منقذ الأهلى الموسم اللى فات .. فيه حراس فى مصر أفضل منه كإمكانيات ومنهم الشناوي، أيوة الشناوى كإمكانيات أحسن من شريف .. بس اللى يفرق بينه وبين أى حارس فى مصر إنه رغم أن إكرامى إمكانياته مش جبارة بس مجتهد جدا جدا وإللى حصل ده سوء توفيق .. مش عاوزين ندبحه واحنا عندنا ماتش السبت الجاى نخلصه وبعده الماتش نتحاسب».
#هاردلك_اكرامي

 







الرابط الأساسي

الاكثر قراءة

السيسى يتسلم رسالة من نظيره الغينى.. ويؤكد: التعاون مع إفريقيا أولوية متقدمة فى السياسة المصرية
«السياحيون «على صفيح ساخن
واحة الإبداع.. «عُصفورتى الثكلى»
إحنا الأغلى
كاريكاتير
قرض من جهة أجنبية يشعل الفتنة بنقابة المحامين
كوميديا الواقع الافتراضى!

Facebook twitter rss