صحيفة روز اليوسف

رئيس مجلس الإدارة
عبد الصادق الشوربجي

رئيس التحرير
أحمد باشا

19 نوفمبر 2018

أبواب الموقع

 

ثقافة

واحة الإبداع.. أزمة ضمير

16 يونيو 2017



يسيل بجوار النيل فى بر مصر نهر آخر من الإبداع.. يشق مجراه بالكلمات عبر السنين.. تنتقل فنونه عبر الأجيال والأنجال.. فى سلسلة لم تنقطع.. وكأن كل جيل يودع سره فى الآخر.. ناشرا السحر الحلال.. والحكمة فى أجمل أثوابها.. فى هذه الصفحة نجمع شذرات  من هذا السحر.. من الشعر.. سيد فنون القول.. ومن القصص القصيرة.. بعوالمها وطلاسمها.. تجرى الكلمات على ألسنة شابة موهوبة.. تتلمس طريقها بين الحارات والأزقة.. تطرق أبواب العشاق والمريدين.  إن كنت تمتلك موهبة الكتابة والإبداع.. شارك مع فريق  «روزاليوسف» فى تحرير هذه الصفحة  بإرسال  مشاركتك  من قصائد أو قصص قصيرة «على ألا تتعدى 055 كلمة» على الإيميل التالى:    
[email protected]

اللوحات للفنانة
مروة عادل


 


أزمة ضمير
 

بقلم - إخلاص عبد المحسن


أزمة ضمير واتسببت فيها النفوس
لما الطمع جالها وعماها اتلجمت
مالهاش لغات للتفاهم غير الفلوس
ما يهمهاش أطفال كتيره اتيتمت
ما يهمهاش غير تملا كرش وتملا جيب
وتنام وتصحى على الحرام مات الضمير
نسيوا ان فيه فوق فى السما عادل رقيب
والشر من كتره طمس معانى الخير
والقلب خاوي
والعقل حاوي
حتى الصخور من ظلمهم .. إتكلمت
نطقت وقالت إرجعوا عن ظلمكم
بعتوا الضمير بكام ومين اللى اشترى
مين اللى سالب عقلكم
راجعوا الحساب وشوفوا مين اللى افترى
خافوا يا ناس من ربكم
إصحوا وفوقوا واسمعوا صوت الضمير
صداه ضعيف جاى من بعيد
حاولوا تهدوا صوت طمعكم واسمعوه
يمكن يكون ميلاد جديد
لكل قلب وعقل مات
لكل روح طاوعت هواها
لكل نفس قادها شيطانها وسلمت له
خانها وعماها
أزمة ضمايركم دى لازم تنتهي
وتتمحى
علشان ما يبقى الكون عمار
والناس تعيش فى سلام وخير
ويحيا الضمير







الرابط الأساسي

الاكثر قراءة

البنت المنياوية والسحجة والتحطيب لتنشيط السياحة بالمنيا
الزوجة: «عملّى البحر طحينة وطلع نصاب ومتجوز مرتين.. قبل العرس سرق العفش وهرب»
تعديلات جديدة بقانون الثروة المعدنية لجذب الاستثمارات الأجنبية
حكم متقاعد يقوم بتعيين الحكام بالوديات!
حتى جرائم الإرهاب لن تقوى عليها
الجيش والشرطة يهنئان الرئيس بذكرى المولد النبوى
50 مدربًا سقطوا من «أتوبيس الدورى»!

Facebook twitter rss