صحيفة روز اليوسف

رئيس مجلس الإدارة
عبد الصادق الشوربجي

رئيس التحرير
أحمد باشا

18 يناير 2019

أبواب الموقع

 

ثقافة

واحة الإبداع.. مسيحى - ومسلم - إيد واحدة

9 يونيو 2017



يسيل بجوار النيل فى بر مصر نهر آخر من الإبداع.. يشق مجراه بالكلمات عبر السنين.. تنتقل فنونه عبر الأجيال والأنجال.. فى سلسلة لم تنقطع.. وكأن كل جيل يودع سره فى الآخر.. ناشرا السحر الحلال.. والحكمة فى أجمل أثوابها.. فى هذه الصفحة نجمع شذرات  من هذا السحر.. من الشعر.. سيد فنون القول.. ومن القصص القصيرة.. بعوالمها وطلاسمها.. تجرى الكلمات على ألسنة شابة موهوبة.. تتلمس طريقها بين الحارات والأزقة.. تطرق أبواب العشاق والمريدين.  إن كنت تمتلك موهبة الكتابة والإبداع.. شارك مع فريق  «روزاليوسف» فى تحرير هذه الصفحة  بإرسال  مشاركتك  من قصائد أو قصص قصيرة «على ألا تتعدى 550 كلمة» على الإيميل التالى:    
[email protected]

اللوحات للفنان محمود فريد



مسيحى - ومسلم - إيد واحدة
 

كتب: عبدالله العلكي

جايين وناويين علينا دمار
يوم العيد
يبقى انفجار
عايزين يولعو مابينا نار
ونقوم ونمسك فى بعضينا
ومحمد يقتل فى مينا
وهما يتفرجو علينا
ويقولو أهوما الإخوات
إحرق جوامع
إحرق كنايس
وشوف اللى عاش
من اللى مات
مهما تعمل ياخسيس
فى الأساس إحنا إخوات
هما شايلين المصاحف
وإحنا شايلين الصليب
ومينا بس ولا حالف
يجى معايا على الغريب
وإن هنبقى إيد وحدة
الهلال مع الصليب
وإن هنكسر أى واحد
يفكر يجى على حد فينا
وإن لو حد جِه
يبقى أكيد جِه علينا
ومن أذانا مش هيسلم
ماهو مافيش فرق بين مسيحى ومسلم
واللى مات فى قلب الكنيسة
ده كفاية مات شهيد
وإن جنازته فى العلالي
أيوة  جنازته ياما عيد
يا أم مينا
ويا أم حنا
بيقتلونا فى كل مكان
ياترى مين اللى باعنا
وياترى مين اللى خان
مش هنفقد يوم أملنا
وهنرجع نقول من تاني
مافيش يا أم حنا فرق
بين مسلم ونصراني







الرابط الأساسي

الاكثر قراءة

فى مهرجان الهيئة العربية للمسرح.. زخم مسرحى وبث مباشر من مصر للشارقة
شراكة استراتيجية بين مصر وجنوب السودان
واحة الإبداع.. النسوة فى قلب الحى
«همزة وصل» تثير حفيظة عمرو دوارة
«صباح ومسا» جولته القادمة بمهرجان أفينون
خان الخليلى المكان الذى قتل صاحبه
أهالى الجيزة عن الخط الساخن 114: «محدش بيرد»

Facebook twitter rss