صحيفة روز اليوسف

رئيس مجلس الإدارة
عبد الصادق الشوربجي

رئيس التحرير
أحمد باشا

21 يناير 2019

أبواب الموقع

 

اتكلم

موقعة الجمل الإخوانية

30 نوفمبر 2012



قرار جماعة الإخوان بنزول الميدان، بكرة أكبر دليل على انهم فى حالة من التخبط والارتباك، وبيعبر عن الورطة الكبيرة اللى هما بقوا فيها، وده يشير وينذر ان الإخوان معندهمش أى حلول تانية غير المواجهة والاحتكاك بالقوى المعارضة الرافضة للاعلان الدستورى.

القصة وما فيها ان مبارك يوم 25 يناير لما حس انه فى ورطة باعتصام الشباب فى الميدان، اتك على زرار الداخلية علشان تهاجم الميدان وتسحل وتعتقل الشباب، وكانت دى الضربة اللى زادت الثورة قوة، نفس الشىء اللى الإخوان والرئيس بنفسه عايز يعمله، هما حلمهم انهم يغمضوا عينهم ويفتحوها يلاقوا الميدان خالى والعربيات ماشية فيه، بس ده مش هيحصل لأن الناس غضبانة فى الميدان، فلاقوا ان الحل الوحيد انهم ينزلوا الميدان فى مليونية وتبقى عركة كبيرة هيعتمدوا فيها على عضلاتهم وعنفهم، وده شفناه فى جمعة الشريعة اللى هدموا فيها بكل عنف وهمجية منصة القوى المدنية.

الميدان مفتوح للجميع، وأى دم هيحصل فى الميدا هيبقى فى رقبة الرئيس مرسى، وزى مطلبنا القصاص من مبارك فى الشهداء اللى راحوا فى أحداث الثورة، هنطلب برضه القصاص من الرئيس الحالى فى أولادنا اللى هيموتوا فى الميدان لو الإخوان اثروا على الاحتكاك بيهم، احنا فى انتظار موقعة الجمل الجديدة، اللى اختها القديمة كانت «سبب جوهرى» فى اسقاط النظام، الشباب فى الميدان فى انتظار هلة الإخوان عليهم، والحساب هيجمع.

 







الرابط الأساسي

الاكثر قراءة

أمير الكويت لوفد البرلمان: «أنا مصرى» وندعم الرئيس السيسى بقوة.. واستقرار القاهرة استقرار للمنطقة
«نبض» رواية جديدة للكاتبة ألفت الشابورى
بالأرقام.. مصر أرخص عالمياً 150 جنيهاً فى أسعار تركيب التليفون الأرضى و880 فى الإمارات و1430 جنيهاً فى السعودية
كاريكاتير احمد دياب
55ألف دولار قيمة حكام 3 مباريات لبيراميدز
أسطورة «روزاليوسف»
موسم الحصاد الاقتصادى

Facebook twitter rss