صحيفة روز اليوسف

رئيس مجلس الإدارة
عبد الصادق الشوربجي

رئيس التحرير
أحمد باشا

25 سبتمبر 2018

أبواب الموقع

 

اتكلم

face 2 face

23 نوفمبر 2012

مواجهة: نهى عابدين




 
محمد وشريف شابين بيكافحو في الحياة اتفقوا علي عدم المشاركة في إحياء ذكري محمد محمود ولكن كل واحد منهما شاف الأحداث من خلال وجهة نظره وخلفيته الثقافية
 
شريف: مشاركتش فى ذكرى محمد محمود  والبلد مش مستحملة والأمن بيستخدم العنف
 
محمد وشريف شابين بيكافحو فى الحياة اتفقوا على عدم المشاركة فى إحياء ذكرى محمد محمود ولكن كل واحد منهما شاف الأحداث من خلال وجهة نظره وخلفيته الثقافية
 
■ عرفنا بنفسك؟
 
- شريف القبيصى عندى 17 سنة وبشتغل فى كشك، درست لغاية ثانية اعدادى ونفسى اكمل تعليمى السنة الجاية.
 
■ انت شاركت فى احياء ذكرى أحداث محمد محمود؟
 
- لا لأنى مش شايف ان ليها لزمة أصلاً دى تعتبر عقاب للبلد، فالناس اللى خرجوا عارفين ان ممكن يحصل اشتباكات مع الأمن، علشان كده مكنش لازم يحتفلوا بيها أن مصر مش مستحملة أى مشاكل جديدة وأنا مشاركتش غير مرة واحدة بس فى إحدى المظاهرات حب استطلاع وكانت عند مجلس الوزراء واتعرضت للضرب من الشرطة وبعد ما فلت منها وبقى عندى انطباع سييء عن الاحتجاجات دي.
 
■ ازاى شايف الاشتباكات فى الشوارع اللى حولين وزارة الداخلية؟
 
- أنا بشوفها من خلال التليفزيون زى كل الناس واعتقد ان اللى شاركوا فى الأحداث دى هم مأجورون من المناطق الشعبية بياخدوا فلوس من بلاد تانية علشان الحال يدهور وميبقاش فى تركيز لتأمين الحدود فى سيناء خصوصا فى التوقيت ده وربنا يستر ومندخلش فى حرب،.
 
■ فى رأيك مين السبب فى تكرار الأحداث دي؟
 
- اللى بينظموا المظاهرات دي، أنا كنت مؤيدا للثورة، لكن شايف ان المفروض كان الناس تهدا وتسيب فرصة لمرسى ليحقق وعوده علشان نحس بالتغيير، لكن الأمن مشترك فى المشاكل دى لأنهم بيخرجوا بعنف زيادة على الشباب بيبقى فى ضرب جامد.
 
 
 
محمد: مش موافق على أحداث محمد محمود.. والائتلافات الثورية السبب.. وفرقتنا مش هترجع حق الشهيد
 
■ عرفنا بنفسك؟
 
أنا اسمى محمد نصر الدين، فنى صيانة كمبيوتر وشبكات، متزوجا وعندى بنت واحدة.
 
■ انت شاركت فى احياء ذكرى أحداث محمد محمود؟
 
- بعد مشاركتى فى مظاهرات يوم 27يناير أيام الثورة أنا مخرجتش فى أى مظاهرات ومش موافق على إحياء ذكرى محمد محمود أو المشاركة فيها، من مبدأ إذا رأيت الفتن التزم الهدوء، لأن مش ده اللى حيجيب حق الشهداء ربنا هو الوكيل لإعادة حقهم فإذا طلبنا العدل والقصاص من الحاكم مش حنوصل لأى حاجة.
 
■ ازاى شايف الاشتباكات فى الشوارع اللى حولين وزارة الداخلية؟
 
- حاجة محزنة وسيئة تدل على أننا مبنتعلمش من أخطائنا ورأيى ان الجهاد والإصلاح دلوقتى لازم يكون من خلال الكلمة ومش باننا ننزل بنفسنا نشتبك ونضرب فى بعض، فمن المفروض نتوحد فى كل أمور حياتنا سواء الدين أو الآراء والأحزاب علشان متزدش فرقتنا أكتر من كدا ده وقت لم الشمل.
 
■ فى رأيك مين السبب فى تكرار الأحداث دي؟
 
- تشتت الأحزاب والحركات السياسية والثورية هو السبب فى الرجوع إلى نقطة الصفر، واحذرهم من زيادة انقسامنا، ولو عايزين يخرجوا من الورطة اللى احنا فيها عليهم التجمع على هدف واحد وكلمة واحدة من جديد ويوجه لهم رسالة «احبوا أعداءكم» كما قالها المسيح عليه السلام وجسدها رسولنا الكريم فى افعاله وأخلاقه الكريمة مع أعدائه.






الرابط الأساسي

الاكثر قراءة

الحاجب المنصور أنقذ نساء المسلمين من الأسر لدى «جارسيا»
يحيا العدل
جامعة طنطا تتبنى 300 اختراع من شباب المبتكرين فى مؤتمرها الدولى الأول
4 مؤسسات دولية تشيد بالتجربة المصرية
قمة القاهرة واشنطن فى مقر إقامة الرئيس السيسى
أنت الأفضل
جماهير الأهلى تشعل أزمة بين «مرتضى» و«الخطيب»

Facebook twitter rss