صحيفة روز اليوسف

رئيس مجلس الإدارة
عبد الصادق الشوربجي

رئيس التحرير
أحمد باشا

13 نوفمبر 2018

أبواب الموقع

 

ثقافة

واحة الإبداع..سلّم بيطلّع لتحت

27 اكتوبر 2016



يسيل بجوار النيل فى بر مصر نهر آخر من الإبداع.. يشق مجراه بالكلمات عبر السنين.. تنتقل فنونه عبر الأجيال والأنجال.. فى سلسلة لم تنقطع.. وكأن كل جيل يودع سره فى الآخر.. ناشرا السحر الحلال.. والحكمة فى أجمل أثوابها.. فى هذه الصفحة نجمع شذرات  من هذا السحر.. من الشعر.. سيد فنون القول.. ومن القصص القصيرة.. بعوالمها وطلاسمها.. تجرى الكلمات على ألسنة شابة موهوبة.. تتلمس طريقها بين الحارات والأزقة.. تطرق أبواب العشاق والمريدين.  إن كنت تمتلك موهبة الكتابة والإبداع.. شارك مع فريق  «روزاليوسف» فى تحرير هذه الصفحة  بإرسال  مشاركتك  من قصائد أو قصص قصيرة «على ألا تتعدى 055 كلمة» على الإيميل التالى:    
[email protected]

اللوحات للفنان عبدالعال حسن


 

 

سلّم بيطلّع لتحت


كتب: مراد ناجح عزيز - سوهاج

إسمه الحركى  (bad Room )
إسمه الحقيقى.. سكن
أربع حيطان وباب وسلّم بيطلّع لتحت
أول نور..
تكسر رقبتك علشان تشوفه
وانت بتبص لفوق
أول واحد يصبّح عليك..
حزن عجوز ..
ياما كح وعطس واتلف ف هدومك
ويقوم ويعمل أسد لو شم ريحة فرحه جيّالك..
من باب العشم بالفرح..
إسمه الحركى (حلم)
إسمه الحقيقى.. وطن
وانا كنت برسم دنيتى من ملامحه..
جناين ورد
وعيال بتطّير بالونات ف السما
ولا فيش مكان للحزن وصحابه
ولا سرير ف مستشفى لحد مش لاقى دوا
والولاد اللى شقّوا هدوم الحلم
طالعين للحياه يشربوا ميّه من نيلها
وياخدوا مع القمر السهران صوره..    
إسمها الحركى (ذكرى)
اسمها الحقيقى.. وهم كبييييير







الرابط الأساسي

الاكثر قراءة

الدولة تنجح فى «المعادلة الصعبة»
«روز اليوسف» داخل شركة أبوزعبل للصناعات الهندسية.. الإنتاج الحربى شارك فى تنمية حقل ظهر للبترول وتطوير قناة السويس
جنون الأسعار يضرب أراضى العقارات بالمنصورة
مباحث الأموال العامة تداهم شركة «تسفير» العمالة للخارج بالنزهة
ماجدة الرومى: جيش مصر خط الدفاع الأول عن الكرامة العربية
ليبيا.. الحل يبدأ من القاهرة
شباب يتحدى البطالة.. بالمشروعات الصغيرة شيماء النجار.. الحلم بدأ بـ2000 جنيه

Facebook twitter rss