صحيفة روز اليوسف

رئيس مجلس الإدارة
عبد الصادق الشوربجي

رئيس التحرير
أحمد باشا

23 سبتمبر 2018

أبواب الموقع

 

اذاعة وتليفزيون

عمرو أديب: «49 سنة زملكاوى مافرحتش غير 3 مرات»

25 اكتوبر 2016



كتب - محمد خضير

قال الإعلامى عمرو أديب: «أنا بقالى 49 سنة زملكاوى وخلال هذه الفترة فرحت 3 مرات بس، وهفضل زملكاوى.. وبقول لمشجعى الأهلى اللى هيساندنا النهارده ربنا هيكرمه واللى مش هيدعمنا برضو ربنا هيكرمه».

وقال أديب خلال برنامج «كل يوم» على قناة «أون إى» أمس الأول: «آه لو لعبت يا زهر.. والزهر لما بيلعب فى الكرة بيكون شكل تانى».
وطالب جماهير الزمالك الالتزام بالقواعد الأمنية أثناء الخروج من ملعب استاد برج العرب، مشيرًا إلى أن الأجهزة الأمنية بذلت جهودًا كبيرًا فى تأمين مباراة فريقى الزمالك وصن داونز.
وعلق أديب، على الشوط الأول للمباراة، قائلا: «مفيش أمل والناس سفت التراب علشان تمشى ورا الفرقة»، و«فريق صن داونز تقيل وأظن أنه هيبقى صعب أن الزمالك يعمل حاجة ولكن مفيش حاجة بعيدة علىربنا، والزمالك مش فى أحسن حالاته».
وأضاف: «صن داونز عندهم صحة ولياقة وقادرين على الجرى فى الغابة.. وجمهور الزمالك وفى وشاف مواقف بايخة من الفريق.. وحط مية حط نار جمهور الزمالك بيطلع نار».
وانتقد أديب خسارة الزمالك البطولة، قائلا: «هنفضل ملطشة كده على طول.. إحنا مانستحقش كده» ،وإن فريق صن داونز قوى، موضحا «الزمالك نادى كويس وكبير بس عايزين مدرب كويس وكبير وكفاية مدربين بتوع الدورات دول».
وأضاف: «أرجوكم يا جماعة شوفولنا حل مش كل 14 سنة هنفرح مرة.. وبقى عادى جدا تروح البطولات مننا.. قائلا: «حضرت عائلة حمادة إمام كلها وهى بتدرب الزمالك».
كما سخر عمرو أديب من انتهاء المباراة بهدف للقلعة البيضاء مقابل لا شىء، قائلا: «مش مكتوبالنا.. مش مصروف لنا والماتش انتهى والحزن اللى جوايا يتوزع على أندية العالم.. والزمالك ضحى علشان المنتخب بالإضافة إلى الإدارة السيئة»، قائلا: «حالة اللاعيبة زى الزفت وهى نازلة الماتش».







الرابط الأساسي

الاكثر قراءة

الأنبا يؤانس: نعيش أزهى عصورنا منذ 4 سنوات
المصريون يستقبلون السيسى بهتافات «بنحبك يا ريس»
شكرى : قمة «مصرية - أمريكية» بين السيسى وترامب وطلبات قادة العالم لقاء السيسى تزحم جدول الرئيس
الاقتصاد السرى.. «مغارة على بابا»
55 قمة ثنائية و 9 جماعية عقدها «السيسى» على هامش أعمال الجمعية العامة
شمس مصر تشرق فى نيويورك
القوى السياسية تحتشد خلف الرئيس

Facebook twitter rss