صحيفة روز اليوسف

رئيس مجلس الإدارة
عبد الصادق الشوربجي

رئيس التحرير
أحمد باشا

18 نوفمبر 2018

أبواب الموقع

 

ثقافة

واحة الإبداع.. بلاش العناد

1 سبتمبر 2016



 

يسيل بجوار النيل فى بر مصر نهر آخر من الإبداع.. يشق مجراه بالكلمات عبر السنين.. تنتقل فنونه عبر الأجيال والأنجال.. فى سلسلة لم تنقطع.. وكأن كل جيل يودع سره فى الآخر.. ناشرا السحر الحلال.. والحكمة فى أجمل أثوابها.. فى هذه الصفحة نجمع شذرات  من هذا السحر.. من الشعر.. سيد فنون القول.. ومن القصص القصيرة.. بعوالمها وطلاسمها.. تجرى الكلمات على ألسنة شابة موهوبة.. تتلمس طريقها بين الحارات والأزقة.. تطرق أبواب العشاق والمريدين.  إن كنت تمتلك موهبة الكتابة والإبداع.. شارك مع فريق  «روزاليوسف» فى تحرير هذه الصفحة  بإرسال  مشاركتك  من قصائد أو قصص قصيرة «على ألا تتعدى 550 كلمة» على الإيميل التالى:    
[email protected]


بلاش العناد


كتب: محمد مصطفى عزوز

حبيبتى ليه
كل الدموع فيكى ألم
هو احنا ليه فى الوطن
نبعد أوى عن البياض فى العلم
حبيبتى ليه
ألفين قصيدة بتنتهي
زى الحقيقة ما ابتدت
دايما عذاب دايما عتاب
دايما فى عينك وحى السراب
دايما حقيقى هننتصر
لو كان خيارنا ننتصر
أنا قلبى محتاج للحنان
مش شيء من البعد وجفا
حبيبتى أنا قلبى خلاص
من غدر غيره أكتفى
خلى الأيدين تصرخ لبكره
وسط الشتا صوتك بيدينى الدفى
ببعد بعيد والماضى عمره ما كان قريب
لكن عنيد لو ألقى العشق يطيب
أنا آه سعيد دايما ليلاتى
أنشد قصيده فى الحُكى
وأقعد أهاتى
فعلا حقيقى فيه غموض
وبإذن ربى ما بنكسر
لو حتى كل الناس عليه
ولاعمرى لحظة أحتاج لحد
دا انا ياما عشت آه وحيد
لكن منايا يا منايا
أرسم بأيدى عمرى الجديد
يالله نعيش يد فى يد
نحزن سوا نفرح بجد
وبلاش بعاد
أن بعدى لما يكون حقيقة
بيتولد فيه العناد
وكل اللى خانوا آه ياعمري
ملقوش فى صدق الناس ديه زاد
ما تصدقينى
أنا قلبى فيه فدان براءة
لكن حقيقتى ما بتتكشفش
غير للعارف معنى المحبه والصداقه
أنا مش هقولك بلاش عتاب
ولا هقولك أنا قلبى داب
لكن هقولك بلاش عناد
أنا صعب دايما فى البعاد
وأسألى







الرابط الأساسي

الاكثر قراءة

«الدبلوماسية المصرية».. قوة التدخل السريع لحماية حقوق وكرامة المصريين بالخارج
6 مكاسب حققها الفراعنة فى ليلة اصطياد النسور
تطابق وجهات النظر المصرية ــ الإفريقية لإصلاح المفوضية
بشائر مبادرة المشروعات الصغيرة تهل على الاقتصاد
وسام الاحترام د.هانى الناظر الإنسان قبل الطبيب
الحكومة تستهدف رفع معدل النمو لـ%8 خلال 3 سنوات
الاستثمار فى التنوع البيولوجى يخدم الإنسان والأرض

Facebook twitter rss