صحيفة روز اليوسف

رئيس مجلس الإدارة
عبد الصادق الشوربجي

رئيس التحرير
أحمد باشا

18 سبتمبر 2018

أبواب الموقع

 

اتكلم

أمريكا خارج نطاق اهتمام الشباب!

9 نوفمبر 2012

كتب : مى فهيم




بعيدًا عن موجة «القلش» اللي قابل بيها الشباب فوز باراك أوباما بانتخابات الرئاسة الأمريكية لولاية تانية، وبعيدا عن اتفقنا مع أداء أوباما أو اختلافنا، كان في حالة من عدم الاهتمام عند الشباب بالانتخابات الأمريكية الأخيرة، حاولنا رصد الحالة واسببها عند عدد من الشباب.

رغدة أبوبكر أكدت عدم اهتمامها بالانتخابات الأمريكية، المرة دي زي ما كانت مهتمة سنة 2008، لأن ساعتها كان أوباما أول رئيس إفريقي ينافس ويفوز بالمنصب ده، وأضافت: كنا فاكرين وقتها أنه هيغير بجد، لكن دلوقتي الناس مبقتش مهتمة لأنها مشفتش تغيير من أمريكا، ولأن الرئيس الأمريكي بقي مجرد وجه لكن السياسة الأمريكية واحدة مبتتغيرش فمش مهم مين اللي هيجي، كمان الأحداث في مصر بعد الثورة بقت كثيرة جدًا وورا بعضها وشغلت الناس عن متابعة أي حاجة خارج البلد.

أحمد أشرف، محاسب، أوضح أن اهتمامه بمتابعة الانتخابات الأمريكية سنة 2008، وهو نفس الاهتمام في 2012 لأن أمريكا أكتر دولة في الغرب ليها تأثير علي الشرق الأوسط ولأن أمريكا ليها دور في الضغط علي مبارك للتنحي. اما رنا أحمد، طالبة بكلية ألسن، فقالت: «أنا لا اعرف حاجة عن الانتخابات الرئاسية الأمريكية ومش مهتمة بأي انتخابات لاني مليش في السياسة».

قهوجي اسمه أحمد عبدالعزيز، عنده 26 سنة، وصف لنا ازاي كان المصريون في انتخابات الرياسة الأمريكية سنة 2008، متحمسين جدا عنده في القهوة وهما بيتفرجوا علي خطاب أوباما في جامعة القاهرة، ولكن دلوقتي الناس فقدت الثقة فيهم.

 







الرابط الأساسي

الاكثر قراءة

قبيلة الغفران تجدد الشكوى إلى المفوضية السامية ضد همجية «نظام الحمدين»
900معلمة بـ«القليـوبية» تحت رحمة الانتـداب
صلاح V.S نيمار
الخيال العلمى فى رواية «الإسكندرية 2050»
خريطة الحكومة للأمان الاجتماعى
الكاتبة الفلسطينية فدى جريس فى حوارها لـ«روزاليوسف»: فى الكتابة حريات تعيد تشكيل الصورة من حولنا
«محافظ الجيزة» بالمهندسين بسبب كسر ماسورة مياه.. و«الهرم» غارق فى القمامة !

Facebook twitter rss