صحيفة روز اليوسف

رئيس مجلس الإدارة
عبد الصادق الشوربجي

رئيس التحرير
أحمد باشا

19 سبتمبر 2018

أبواب الموقع

 

ثقافة

واحة الإبداع.. أنا ابنها

21 يوليو 2016



يسيل بجوار النيل فى بر مصر نهر آخر من الإبداع.. يشق مجراه بالكلمات عبر السنين.. تنتقل فنونه عبر الأجيال والأنجال.. فى سلسلة لم تنقطع.. وكأن كل جيل يودع سره فى الآخر.. ناشرا السحر الحلال.. والحكمة فى أجمل أثوابها.. فى هذه الصفحة نجمع شذرات  من هذا السحر.. من الشعر.. سيد فنون القول.. ومن القصص القصيرة.. بعوالمها وطلاسمها.. تجرى الكلمات على ألسنة شابة موهوبة.. تتلمس طريقها بين الحارات والأزقة.. تطرق أبواب العشاق والمريدين.  إن كنت تمتلك موهبة الكتابة والإبداع.. شارك مع فريق  «روزاليوسف» فى تحرير هذه الصفحة  بإرسال  مشاركتك  من قصائد أو قصص قصيرة «على ألا تتعدى 055 كلمة» على الإيميل التالى:    
[email protected]


أنا ابنها

كتب: أحمد مطاوع

أنا ابنها
وبرجوله صاين عرضها
قبل الولادة
كنت بعشق  حضنها
عشت الطفولة
لعب تنطيط بالهزار
برجع بسرعة مهما بزعل منها
هى العلم والنسر رافع جبهته
أسطول جيوش حافظ كرمته وعزته
اسأل لويس ولا المغول جوه التاريخ
لاتنين هزمهم لما وقفوا  ف سكته
وكتير حكاوى بين ابويا و جدتي
الخير بيضرب تحت يوصل جبهتي
عن ايه عزيز و الإنجليز والاحتلال
أطيب جيران كان وقتها دول ثروتى
الفن كان أوتار نغم مظبوط اوي
الة كمان تعزف اغانى مسلطنة
والحب كان بالاحترام إنسان سوى
وحاجات زمان.. صبحت مجرد دندنة
بوضوح سامعهم بس محتاج ترجمة
محتاج اجابة لكام سؤال م الأسئلة
طب يعنى ايه  الاحتلال؟
طب مين عزيز والإنجليز؟
ويعنى أى مشوار نضال؟
ندفعله قول مليون  عريس؟
كل الكلام بيدور هنا
وأنا مش هنا
سارحه خيالى ف كلمتين
مش مفهومين
أنا طفلة لكن بحترف
شعر وغنا
بس الغريبة كلمتينهم
مجهولين
الموضه أصلا عندنا مش زيهم
إحنا الرقى ولنفتح المكتشف
ولا حد يقدر ع التحدى منهم
م صعب جدا سرنا يوم يتعرف
إحنا اللى ورثين الأدب
حبة كتب
والشعر بقى تفريغ طاقات
المكبوتين
من كام سنة عاوزين نكون منتخب
نوصل بقى نشبع حاجات المحرومين
الحب عايش مصلحة
والحقد قرب يشتكى
فى ناس تحلل ف الحرام
وشعارها قال ايه نرتقى
أنا لسة طفل ف مطرحى
بسمع وبلعب لعبتى
وبحاول استوعب كتيرر
لكلام أبويا ووجدتى







الرابط الأساسي

الاكثر قراءة

الرئيس يرعى مصالح الشعب
فى معرض الفنانة أمانى فهمى «أديم الأرض».. رؤية تصويرية لمرثية شعرية
«عاش هنا» مشروع قومى للترويج للسياحة
466 مليار جنيه حجم التبادل التجارى بين «الزراعة» والاتحاد الأوروبى العام الماضى
الطريق إلى أوبك
مكافحة الجرائم العابرة للأوطان تبدأ من شرم الشيخ فى «نواب عموم إفريقيا»
« روزاليوسف » تعظّم من قدراتها الطباعية بماكينة «CTP» المتطورة

Facebook twitter rss