صحيفة روز اليوسف

رئيس مجلس الإدارة
عبد الصادق الشوربجي

رئيس التحرير
أحمد باشا

19 سبتمبر 2018

أبواب الموقع

 

ثقافة

واحة الإبداع: الضمة

17 مارس 2016



كتب: فادي قديس صموئيل

يسيل بجوار النيل فى بر مصر نهر آخر من الإبداع.. يشق مجراه بالكلمات عبر السنين.. تنتقل فنونه عبر الأجيال والأنجال.. فى سلسلة لم تنقطع.. وكأن كل جيل يودع سره فى الآخر.. ناشرا السحر الحلال.. والحكمة فى أجمل أثوابها.. فى هذه الصفحة نجمع شذرات  من هذا السحر.. من الشعر.. سيد فنون القول.. ومن القصص القصيرة.. بعوالمها وطلاسمها.. تجرى الكلمات على ألسنة شابة موهوبة.. تتلمس طريقها بين الحارات والأزقة.. تطرق أبواب العشاق والمريدين.  إن كنت تمتلك موهبة الكتابة والإبداع.. شارك مع فريق  «روزاليوسف» فى تحرير هذه الصفحة  بإرسال  مشاركتك  من قصائد أو قصص قصيرة «على ألا تتعدى 055 كلمة» على الإيميل التالى:    
[email protected]

أنا الضمة اللى ما اتضمتش
أنا الحضن اللى عاش فاضى
أنا الفتحة اللى ما اتفتحتش
ولا عاشت فى غير الماضي
انا الكسرة اللى مكسورة
أنا القهرة اللى مقهورة
وحرف الجر اللى اتجر
فى طرق كتيرة مهجورة
أنا الضمير المستتر
أن اللى تملى غايب
وأنا اللى بتباهى بشبابى
رغم انى من جوايا شايب
وأنا اللى حبيت ياما
وفى يوم وليلة صبحت سايب
أنا المضاف إليه
وبرغم إنى الأساس
جرونى
واللى اتضافو عليا
مشيو فيطريق وسبقونى
وأنا تأخير ما حقه التقديم
وأنا اللى عايش مظلوم
جوه الواقع الأليم
أنا المفعول به
جميع السيئات
منصوب ومنصوب عليا
فى كل الحالات







الرابط الأساسي

الاكثر قراءة

الرئيس يرعى مصالح الشعب
فى معرض الفنانة أمانى فهمى «أديم الأرض».. رؤية تصويرية لمرثية شعرية
«عاش هنا» مشروع قومى للترويج للسياحة
466 مليار جنيه حجم التبادل التجارى بين «الزراعة» والاتحاد الأوروبى العام الماضى
الطريق إلى أوبك
« روزاليوسف » تعظّم من قدراتها الطباعية بماكينة «CTP» المتطورة
نبيل الطرابلسى مدرب نيجيريا فى حوار حصرى: صلاح «أحسن» من «مودريتش والدون»

Facebook twitter rss