صحيفة روز اليوسف

رئيس مجلس الإدارة
عبد الصادق الشوربجي

رئيس التحرير
أحمد باشا

15 نوفمبر 2018

أبواب الموقع

 

اتكلم

فرفش

28 سبتمبر 2012

رسوم : طارق جفاوي




 

 

• محشش بيقول لصاحبه: الموضة اللى ماشيه فى الكلام دلوقتى بين العيال السيس انك تزود حرف أ قبل كل كلمة زى أساحبى كده، فقاله: عندك حق، دى بقت حاجه تقرف أجدع.

• أصعب موقف لما حبيبتك تقولك: هات الباسورد بتاع الفيسبوك، تحس وقتها كأن البلدية هجمت عليك وانت واقف بعربية كبدة.

• مدرس بيسأل ما هو ميل الخط المستقيم، الطالب قاله: [email protected]

• مرة واحد مراته ماتت بسبب كلب عضها جه يوم العزاء الصالون كان مليان رجالة، راح واحد صاحب الراجل قاله: ياااااه كل دول جايين يعزوا فى مراتك؟ رد عليه وقاله: لأ دول جايين يشتروا الكلب.

• ميكانيكى فتح محل شكولاتة سماه كلاكسى.

• طالب بيسأل المدرس هو الواحد ممكن يتعاقب على حاجة ماعملهاش؟ المدرس قاله: لأ طبعاً يا حبيبي، رد التلميذ: أشطة أصل أنا ماعملتش الواجب. 

• بيقولك من كتر ما أيفون 5 واقعى لو كنت بتكلم ابوك وقفل السكة فى وشك، بيطلعلك واحد يبوس راسك ويقول: ده مهما كان ابوك برضه.

• لما الواحد بيشوف الممرضات فى الأفلام الأجنبى بيكون عايز يجيله شلل وسل وخلع فى المفاصل، أنما لما يشوف اللى عندنا بيحمد ربنا على نعمة الصحة.

•محشش رايح يخطب، فصاحبه بيسأله: خطيبتك طيبة وبنت حلال وكده ولا ايه النظام؟ قاله: ماتقلقش على أخوك يا معلم دى زى الفل، ده كل الشباب اللى مشيوا معاها بيمدحوا فيها.

•  واحدة اتصلت بصيدلى قالتله: عندك ميزان حرارة، رد وقال: أه عندى، قالتله: حطه فى بوقك، وقفلت السكة فى وشه، اتصل بالبوليس وحكالهم، قالوله: من أمتى الكلام ده، رد وقال: من دقيقتين كده، قالوله: طب خلاص ممكن تشيله دلوقتى.

• شاب فرفور اوى، راح يشترى لبن من السوبر ماركت، قال للبياع: عمو عمو، بليز ممكن عصير بقر؟.

• قالت الـزوجة لزوجها: ماذا أهـدى لصـديقتى يوم زفافهـا؟ فرد الـزوج: هـل تحب العـروس أن تكـون هى الأجمـل فى ليلـة زفافهـا؟ قالت الزوجـة: طبعـا فرد الـزوج : إذًا لا تحـضرى زفافـها لأنك أجمل منها، فـصدقت الهبلة وقررت ألا تحضر الزواج، فنجحت الخطـة ووفّـر قيمة الفـستان والمكياج والهدية.

• واحد ركب الأتوبيس فعدى الكمسري: تذاكر، قاله: معييش فلوس، الكمسرى ضربه على قفاه وقاله: خلاص مش مهم، فقاله: طيب اضربنى قفا تانى.. الكمسرى ضربه، راح نادى على صاحبه وقال: حمادة ماتدفعش خلاص دفعتلك.

• تلك الجمل «جدتى اتحرقت، أبويا مسافر ومتجوز على أمى، ماما دخلت الجيش، ماعنديش أخوات أكبر مني، عمى بيكرهنا وعماتى  وخالاتى عايشين برا»  يستخدمها الطالب المصرى لو قالوله هات ولى أمرك.

• «هاقوله إنى رايح الحمام وانت ارميلى الشنطة من الشباك» هى عبارة لن يفهمها سوى طالب مصرى.

• كل الممثلين لما بيكبروا شعرهم بيبيض إلا رجاء الجداوى شعرها بيحمر.

• الأم تضيع عشرين عاماً من عمرها كى تصنع من ابنها «رجلاً»، ثم تأتى امرأة أخرى لتجعله «أهبل» فى نصف ساعة.

 

 

 







الرابط الأساسي

الاكثر قراءة

شباب يتحدى البطالة بالمشروعات الصغيرة.. سيد هاشم.. وصل للعالمية بالنباتات العطرية
اكتشاف هيكل عظمى لامرأة حامل فى كوم أمبو
بسمة وهبة تواصل علاجها فى الولايات المتحدة الأمريكية
كاريكاتير أحمد دياب
المنتخب الوطنى جاهز غدا لاصطياد نسور قرطاج
استراتيجية مصر 2030 تعتمد على البُعد الاقتصادى والبيئى والاجتماعى
مهرجان الإسكندرية السينمائى يكرم محررة «روزاليوسف»

Facebook twitter rss