صحيفة روز اليوسف

رئيس مجلس الإدارة
عبد الصادق الشوربجي

رئيس التحرير
أحمد باشا

10 ديسمبر 2018

أبواب الموقع

 

ثقافة

واحة الإبداع: إهداء لشعب السويس البطل

31 ديسمبر 2015



اللوحات بريشة الفنان سيف الإسلام صقر

يسيل بجوار النيل فى بر مصر نهر آخر من الإبداع.. يشق مجراه بالكلمات عبر السنين.. تنتقل فنونه عبر الأجيال والأنجال.. فى سلسلة لم تنقطع.. وكأن كل جيل يودع سره فى الآخر.. ناشرا السحر الحلال.. والحكمة فى أجمل أثوابها.. فى هذه الصفحة نجمع شذرات  من هذا السحر.. من الشعر.. سيد فنون القول.. ومن القصص القصيرة.. بعوالمها وطلاسمها.. تجرى الكلمات على ألسنة شابة موهوبة.. تتلمس طريقها بين الحارات والأزقة.. تطرق أبواب العشاق والمريدين.  إن كنت تمتلك موهبة الكتابة والإبداع.. شارك مع فريق  «روزاليوسف» فى تحرير هذه الصفحة  بإرسال  مشاركتك  من قصائد أو قصص قصيرة «على ألا تتعدى 055 كلمة» على الإيميل التالى:    
[email protected]

من الفريق يوسف عفيفى
قائد الفرقة 19
قصيدة زجلية للمقاتل:
إمام مصطفى

زى الأساطير اليونانية القديمة
وحكايات الألف ليلة
وروايات المجد والقصص العظيمة
كانت حكاية السويس
وسط دانات المدافع.. فى الميدان
غيرت مجرى الزمان
لا تقوللى طروادة ولا ستالينجراد
لا تقوللى جورنيكا.. وتعد أسماء البلاء
هى السويس لا قبلها.. ولا بعدها
كتبت تاريخها بأجمل مداد
بالدم.. بالنار.. بالعرق.. وبالعناد
عبرت بحور الصعب.. جسور الشداد
وبالرجولة والإيمان
صنعت بطولة للزمان
يحكى عليها شعبنا ويقول كمان
ألف مليون أغنية لعيون الولاد
يا سويس
وإزاى أوفى بالكلام حقك عليه
دانتى فوق كل الحروف الأبجدية
ده إنتى مكتوبة فى عينيه كالوصيه
ده انتى قسمتى فى يوم طعامك وhديتيني
ده انتى خدتى من هدومك فتيني
ده انتى مطبوعة فى جبينى ما تسبينى
ده انتى شيلتى من دواكي.. واديتيني
ده انتى شديتى الحزام وقتلتى جوعي
ده انتى محفورة.. فى ضلوعي
ده انتى كنتى تفرحى لموقع جديد
ده انتى كنتى تحزنى لسقطة شهيد
ده انتى كنتى ألف إيد.. تتمد إليه
وإزاى أوفى بالكلام.. حقك عليه
يا سويس
مين فى الرياح ولع شموعي
مين فى الزوابع يطوى قلوعي
مين فى المحن كان لى دروعي
مين اللى شالنى وجفف دموعي
وشد فى إيديه.. وباسنى فى عينيه
غيرك يا غاليه.. يا غالية عليه
أحبك.. وأصونك
وكيف بالكلام أوفى ديونك
وحقك عليه







الرابط الأساسي

الاكثر قراءة

200 مليار جنيه لإقامة مجمع التحرير للبتروكيماويات بالعين السخنة
الوصايا المصرية الـ9 والمبادئ الـ10 لمكافحة الفساد
2019 عام الاستثمار وتطوير البنية التحتية
الوصايا المصرية الـ 9 والمبادئ الـ 10 لمحاربة الفساد
الوطنية للصحافة تقيم صالة عرض موحدة للصحف القومية بمعرض الكتاب
السيسى: عودة مصر لإفريقيا للتعمير والبناء لصالح الأشقاء
وزير الدفاع يلتقى وزير الأمن الداخلى الأمريكى

Facebook twitter rss