صحيفة روز اليوسف

رئيس مجلس الإدارة
عبد الصادق الشوربجي

رئيس التحرير
أحمد باشا

18 ديسمبر 2018

أبواب الموقع

 

اتكلم

إزاى تعرف إنه «فيلم مصرى» ▪

14 سبتمبر 2012




 عندما يصل   الى موقع الجريمة دون ان يبلغه احد.

 

▪ عندما يصاحب مشهد التغرير بالبطلة لقطات الامطار الغزيرة والبرق والرعد والشباك الذى ينفتح بقوة على مصراعيه وتلاقى البطلة فى الفيلم مصيّفه.

 

▪ عندما تقول البطلة للبطل انها حامل فيرد البطل على طول.. اللى فى بطنك ده لازم ينزل غالبا بيكون يوسف شعبان.

 

▪ عندما تفاجأ باغنية مالهاش أى لزمه فى نص الفيلم.

 

▪ عندما يكون من المستحيل ان تجد الهاتف مشغول والطرف التانى يرد من قبل ما النمرة تجمع ولا تدى جرس حتى.

 

▪ العبارة الساذجة الشهيرة اللى تصطحب مشهد القبض على المجرم: مفيش جريمة كاملة وانت فاكر انك هتهرب من البوليس بعملتك دى.

 

▪ عندما يسكر البطل فتجده يصب كوب ممتلئ على اخره بيسكر بعصير قصب عندما يخرج الطبيب من غرفة العمليات يرد جملة من ثلاث جمل. اضطرينا نضحى بالجنين.. شدو حيلكوا يا جماعه.. العمليه نجحت بس مش هتقدروا تشوفوه دلوقتى.

 

▪ عندما يجلس البطل والبطلة فى نفس الكازينو بتاع كل فيلم اللى فى وش ماسبيرو ويطلبوا نفس العصير اللى فى كل الافلام: تانج او ميراندا يخلص المشهد من غير ما حد يشرب حاجة تقريبا علشان هيتصور بالمشاريب دى فيلم تانى

 

▪ عندما يصاب البطل بطلق نارى فى قلبه وتنزف الدماء من بطنه زى صلصلة الكشرى ويظل يتحدث بطلاقة وتركيز لمدة خمس دقائق يقوم خلالها بفك لغز الفيلم والاعلان عن القاتل الحقيقى او البطل يبقى ابن مين. عندما تغيّر حرب اكتوبر اخلاق كل المنحرفين الموظف المرتشى والجارة اللعوب والبلطجى والمجرم بطبعه. عندما تجد مقر العصابة ملىء بالقش والبراميل الخشبية.

 

▪ عندما تسمع صرير احتكاك كاوتش العربيات اللى يطارد بعض وتقريبا بتبقى عربيات 128 وماشية بسرعة 30 كيلو.

 







الرابط الأساسي

الاكثر قراءة

الروائى الأردفنى محمد حسين السماعنة: تأثير الأدب فى تغيير الواقع بطيء ومحدود
ردًا على حفاوة استقبال مستشار النمسا.. السيسى: أثق بقدراته كشابٍ سياسى واعد فى العمل المشترك لدعم العلاقات بين بلدينا
السعودية تحذر «الشيوخ الأمريكى» من التدخل فى شئونها الداخلية
وزير المالية: طريق الإصلاح الضريبى مازال طويلًا
الجبلاية تطالب «أجيرى» بلقب إفريقيا
تنصيب إلهام شاهين سفيرة للتراث العربى وإهداؤها درع التكريم
النواب: مصر صمام الأمان لحماية أوروبا من الإرهاب

Facebook twitter rss