صحيفة روز اليوسف

رئيس مجلس الإدارة
عبد الصادق الشوربجي

رئيس التحرير
أحمد باشا

20 سبتمبر 2018

أبواب الموقع

 

ثقافة

مقاطع

10 يونيو 2015



(1)
يابوى وكم جميلة ياخلق رموشها
اللى لاجلها ملوك بتفوت عروشها
هى آية الجمال والمعجزة الكبرى
اللى النجوم عقدها والبدر بروشها
(2)
هى فى براءة الورد وندى الصبحية
اللى من عينيها كل يوم ألف ضحية
أهو بدر السما ساب مطرحه وأنواره
لعيونها ضحكة الأعياد سلام وتحية
(3)
أنا حرمت أبص لها
ليه يا عيونى تعصينى؟
زودى قتلاكى واحد
واعملينى حكاية وقصينى
قلبى بأسى قال لها
يا الله ع الرف رصيّنى
ف الدنيا قلوب كتير يا اما
معادن وهى قلبها صينى
(4)
أنا فقير الوطن
أو قول حيا الله مسكينه
ولما حل الصداع بيا
عمل ترابه ريفو واسكينه
مكتوب عليا الفقر
متقولش أهلى سكيّنه
وكأنى حرامى جزم
ويوم الجمعة ماسكينه
وطن لم رحم ضعفى
وف رقبتى حز سكينه
(5)
كان باقى حرف
ويكمل المعنى
اللى تقصده الأنات
إن كان الانشغال منك
يبقى الفضا من روحى
العطر كان نايم
إيه اللى كان صحاه ؟
(6)
دمعتى مقطوعة من شجرة
بلا أهل وبقيت للملأ فورجه
لا قمر للونس بالليل
وواقفه عليه تتحايل وتترجى
والفبن آه ف الوداع واقفين
ومنه لا ملجأ ولا منجا
(7)
أنا وأحزانى ممكن نتصور سيلفى؟
من غير زعل
حقوق الحزن محفوظة ولامؤاخذة
(8)
الناس كلها ليها برد
وأنا الوحيد اللى له بردين
وفاتنى على سهوة
ف خلوتى فرضين
وواقفين لى ف الوصال
ماردين
ورغم انى ليا ف المسا
وردين
كانوا عيونك يدوب لسه
ع الدنيا دى ورادين
سلّموا بسرعة ومغادرين

 







الرابط الأساسي

الاكثر قراءة

السيسى فى الأمم المتحدة للمرة الـ5
مصر تحارب الشائعات
خطة وزارة قطاع الأعمال لإحياء شركات الغزل والنسيج
20 خطيئة لمرسى العياط
توصيل الغاز الطبيعى لمليون وحدة سكنية بالصعيد
إعلان «شرم الشيخ» وثيقة دولية وإقليمية لمواجهة جرائم الاتجار بالبشر
«كلنا واحد» فى الواحات لمساعدة المواطنين.. والأهالى: تحيا مصر

Facebook twitter rss