صحيفة روز اليوسف

رئيس مجلس الإدارة
عبد الصادق الشوربجي

رئيس التحرير
أحمد باشا

25 مارس 2019

أبواب الموقع

 

ثقافة

قصيدة خيط

13 مايو 2015



الليل جدار
إذا يدن الديك
يطلع عليه النهار
وتنفلت من قبضه الشرق
الحمامة أم الجناح
أم الجناح الأبيض فى عيون الصغار
اه يا حبيبتى يا أم خصلة مهفهفة قلبى اللى
مرعوش الأمان لسه بيحلم بالدفا والشمس
كلمة طيبة وفيها الشفا قلبى اللى كان قرب
يموت لسه بيحلم بالبيوت زى الخرز والدرب
خيط حرير ولاضم كل حيط وفى كل دار
يترش حب الحب غيط يتنفس البلاب على
الباب الكبير وبرضه ملضوم بحرير
يا أم العيون الدفاينين لو تعرفى من فين
سمار النيل؟ منين؟ أوعك أن تقولى أن جوفه
عب طين أسمر لا الشمس فوقه من سنين
لو تعرفى طول السنين على شاب عريان
البدن ودراعاته مكشوفين وإنتى عينكى
أسمروا من شيل الحنين ولأنهم متكحلين
بشىء حزين بشىء فى كل عيون صحابى
الطيبين اللى فى عينيهم انتظار واليل جدار
إذا يدن الديك من عليه يطلع النهار

كلمات - عبد الرحمن الأبنودى

رسوم مجدى الكفراوى

 







الرابط الأساسي

الاكثر قراءة

«دجيكو» يشترط على روما التأهل لدورى الأبطال للاستمرار بالفريق
«أيام الشارقة» يحتفل بفوز «الطوق والأسورة»
برشلونة مرعوب على «ميسى»
«مصر الخير» تكرم «روزاليوسف» لدورها فى خدمة المجتمع
ع الماشى
كراكيب
روتارى مصر الجديدة يحتفل بعيد العلم

Facebook twitter rss